როგორ გავისწოროთ თმა თმის უთოს გარეშე? - ეფექტური მეთოდები, რომლებიც თმას ნაკლებად დაგიზიანებთ

ხალხური რეცეპტი თმის დასასწორებლად

თუ გსურთ სწორი თმა გქონდეთ, არ დააზიანოთ თმის სტრუქტურა. თმის ბუნებრივად დასასწორებლად შეგიძლიათ რამდენიმე სახლის საშუალება გამოიყენოთ. საჭირო ინგრედიენტებს სამზარეულოში ადვილად იპოვით. გაითვალისწინეთ, რომ ამ მეთოდის გამოყენება კვირაში მაქსიმუმ 3-ჯერ შეიძლება. 

რეცეპტი №1

ჟელატინით გასწორება. ყველაზე სწრაფი და ეფექტური გზა სახლის პირობებში სწორი თმის მისაღებად. ჟელატინი არა მხოლოდ ამშვიდებს, არამედ ანიჭებს ბრწყინვალებას, მოცულობას. მომზადება მოიცავს შემდეგ ნაბიჯებს: 

1. 3 ს/კ ჟელატინი ერთ ჭიქა თბილ წყალში გახსენით. 
   
2. რეკომენდაციაა დაამატოთ რამდენიმე წვეთი ბალზამი. ასე თმას ადვილად დაივარცხნით. 
   
3. ნიღბის წასმამდე, შამპუნით თმა კარგად დაიბანეთ. 
   
4. სუფთა სველ თმაზე ჟელატინის მასა მთელ სიგრძეზე თანაბრად გაინაწილეთ ისე, რომ თმის ძირებზე არ წაისვათ. 
   
5. ამის შემდეგ თავზე პოლიეთილენის ქუდი დაიხურეთ, ზემოდან კი პირსახოცი მოიხვიეთ. 
   
6. ნიღაბი 45 წუთის შემდეგ თბილი წყლით კარგად ჩამოიბანეთ. 
   

რეკომენდაცია:

• თუ იყენებთ ჟელატინს გრანულებში, ჯერ თბილი წყალი დაასხით და 10 წუთი გააჩერეთ. 
  
• ფხვნილის სახით ჟელატინი სწრაფად იხსნება, ამიტომ შეგიძლიათ იმ წამსვე გამოიყენოთ. 
  

რეცეპტი №2

თმის დასასწორებლად თაფლი და რძე გამოიყენეთ. აიღეთ 1 ს/კ რძე და დაუმატეთ 1 ს/კ შერბილებულ თაფლს. კარგად აურიეთ ერთმანეთში. საუკეთესო ეფექტის მისაღწევად, დაუმატეთ 1ც მარწყვი ან ნახევარი ბანანი. მიღებული ნარევი თმაზე წაისვით ისე, კანს არ შეეხოთ. გაიჩერეთ 1 სთ, შემდეგ თბილი წყლით ჩამოიბანეთ. ამ ნიღბის გამოყენებით თმას დაისწორებთ და უფრო ხავერდოვანს გახდით. 


რეცეპტი №3

სპრეი დაფუძნებული ლუდზე ან ტკბილ ჩაიზე. დასამზადებლად აიღეთ 1 ჭიქა ლუდი ან ტკბილი ჩაი. თმის დაბანის შემდეგ, საშუალება თმაზე კარგად შეისხურეთ. შემდეგ ფენით და მრგვალი სავარცხლით გაიშრეთ.