ტოლმა სტაფილოს მარინადით – აუცილებლად ჩასანიშნი რეცეპტი!
თუ ძალიან გიყვართ ეს კერძი, paparazzi გირჩევთ, სცადოთ მისი განსხვავებულად მომზადება – არ ინანებთ!
საჭირო მასალა:
მომზადება:
საჭირო მასალა:
- 1 თავი საშუალო ზომის კომბოსტო
- 5 ცალი სტაფილო
- 1 ან მეტი თავი ნიორი
- 500 მლ წყალი
- 50 მლ ძმარი 9 %-იანი
- 50 გ შაქარი
- მარილი 15 გ
- შავი პილპილი, ქონდარი, დაფნის ფოთოლი – გემოვნებით
მომზადება:
- მოამზადეთ კომბოსტო ტოლმისთვის: ფოთლები შეგიძლიათ მოაცალოთ ნებისმიერი მოსახერხებელი მეთოდით: მოათავსოთ მიკროტალღურ ღუმელში ან მოთუთქოთ ადუღებულ წყალში... უხეში ადგილები მოაჭერით.
- გაფცქვენით და გახეხეთ სტაფილო. ნიორი დაჭყლიტეთ და დაუმატეთ სტაფილოს. მოაყარეთ სანალებელები.
- წყალში აურიეთ მარილი, შაქარი, დაფნის ფოთოლი და დადგით ცეცხლზე.
- პარალელულად გააკეთეთ ტოლმა: კომბოსტოს ფოთლებზე მოათავსეთ ცოტაოდენი სტაფილო და გადაახვიეთ. მოათავსეთ ტომები ღრმა ჯამში.
- როცა მარინადე ადუღდება, გადმოდგით ცეცხლიდან, ცოტა გააგრილეთ და ჩაასხით ძმარი.
- გაგრილებული მარინადი დაასხით ტოლმას, ზემოდან დაადეთ თეფში და რაიმე მძიმე საგანი (წყლით სავსე ლიტრიანი ქილა ან როდინის ქვაც გამოდგება).
- დადგით ქვაბით ტოლმა ოთახის ტემპერატურაზე ერთი დღე, შემდეგ კიდევ ერთი დღე მაცივარში, რათა კარგად დამარინადდეს.
- შემდეგ მოხსენით სიმძიმე, ამოიღეთ და მიირთვით გემრიელად!