სიცხის დამწევი უძველესი ეფექტური ხალხური საშუალებები!

ცხელებას უმჯობესია ნატურალური სიცხის დამწევი საშუალებებით ვებრძოლოთ. ამ საშუალებებს შორისაა სხვადასხვა მცენარის ნაყოფი, კვირტი, ფოთოლი, ყვავილი და სხვა. გთავაზობთ რამდენიმე ჩამონათვალს რომელიც ეფექტურად გამოიყენება სიცხის დამწევ საშუალებად.

შავი პილპილი ( მარცვლოვანი). სიცხის დროს მისი ნახარში კარგად შველის ავადმყოფს. ნახევარი ჩაის კოვზ შავ პილპილს ხარშავენ 350 მლ ანადუღარ წყალში თაფლთან ერთად. აყოვნებენ ნახევარ საათს მჭიდროდ დახურულ ჭურჭელში და სვამენ დღეში ორჯერ.

სვია. გამოიყენებენ სვიის სპირტიან ნაყენს. მის მოსამზადებლად საჭიროა დავჭრათ სვია ახალ ნაჭრებად და დავასხათ 100 გრ სვიას 1 ლ სპირტი ( ან არაყი ) აყოვნებენ 5 დღეს. იღებენ 30 - 40 წვეთს დღეში სამ - ოთხჯერ ჭამამდე. სვიის ნაყენს გამოიყენებენ მაღალი ტემპერატურის დროს.

გარეული ქლიავი. გარეული ქლიავის ქერქი, უძველესი სიცხის დამწევი საშუალებაა. ჩაის კოვზ წვრილად დაქუცმაცებულ ქერქს ასხამენ ერთ ჭიქა ანადუღარ წყალს და ადუღებენ ნელ ცეცხლზე 15 - 20 წუთით. ნახარშს წურავენ, ამატებენ თაფლს ან შაქარს და სვამენ ერთი საათის განმავლობაში. ეს საშუალება კარგი შარდმდენიც არის.

ოშოშა. იგი სარეველა მცენარეა, მაგრამ ძლიერ სიცხის დამწევ საშუალებად ითვლება. განსაკუთრებით თუ ტემპერატურა მიმდინარეობს სახსრების მტვრევით.
ოშოშა მომწამლავია, ამიტომ დოზირების გაზრდა რეკომენდირებული არ არის.
ნარევი მზადდება ასე:

• ოშოშას ბალახი - 1 ჩ/კ
  
• გვირილას ყვავილი - 1 ს/კ
  
• ჟოლოს ყვავილი - 1 ს/კ
  

მომზადების და გამოყენების წესი:
შევურიოთ ეს კომპონენტები. ავურიოთ ერთმანეთში, ავიღოთ ეს ნარევი და მოვხარშოთ 350 მლ თაფლთან მდუღარე წყალში. თუ თაფლი არ გვაქვს, დავამატოთ ჟოლო ( ოღონდ ჟოლოს მურაბა არა ) 20 წუთით დაყოვნების შემდეგ დავლიოთ ცხლად. ნახარში უნდა მივიღოთ ყოველდღე ორ - სამჯერ დღეში. უმჯობესია დღის მეორე ნახევარში. ამ დროს ადგილი აქვს ოფლის ჭარბ გამოოფას. საჭიროა თეთრეულის გამოცვლა და პროცესის გამეორება.