გაიგეთ, რატომ იყენებდნენ ძველი ექიმბაშები მსხალს სხვადასხვა დაავადების სამკურნალოდ.

გაიგეთ, რატომ იყენებდნენ ძველი ექიმბაშები მსხალს სხვადასხვა დაავადების სამკურნალოდ.
უახლესმა დაკვირვებებმა აჩვენა, რომ მსხალი გაჯერებულია შაქრით, ორგანული მჟავებით, ფერმენტებით, უჯრედისით, C, B1, P, PP ვიტამინებით, A პროვიტამინით, მიკროელემენტებით ( მათ შორის - იოდითაც ), ნახშირწყლებით. სხვათა შორის, მნიშვნელოვანია ისიც, რომ მსხალი ვაშლზე ტკბილი გვეჩვენება, სინამდვილეში მასში შაქარი გაცილებით ნაკლებია, ვიდრე ვაშლში. მსხალი ხშირად უნდა მივირთვათ, მაგრამ - სწორად. არ გირჩევთ მის ჭამას უზმოზე. არავითარ შემთხვევაში არ დააყოლოთ წყალი. ასევე არ არის სასურველი მისი მიღება ხორცთან ერთად და მარხვის დროს.

ახლა ამ საოცარი ხილის თვისებებს გავეცნოთ:
  1. მსხლის წვენი გამაჯანსაღებელი, ვიტამინებით გაჯერებული სითხეა. ის განსაკუთრებით სასურველია მათთვის, ვისაც მუცლის ღრუს სერიოზული პრობლემები აქვს. მნიშვნელოვანია მსხლის როლი საჭმლის მომნელებელი სისტემის გაჯანსაღებაში. ის აუმჯობესებს კუჭ - ნაწლავის მოქმედებას, თუმცა მის შემადგენლობაში შემავალმა უჯრედისმა შესაძლოა კუჭ - ნაწლავი ცოტათი კიდეც გააღიზიანოს. მსხალი ძალიან სასარგებლოა ნაღვლის ბუშტის დაავადებების, ქოლეცისტიტისა და გასტრიტის დროს: ყოველ დილით, წახემსების შემდეგ, 2 ცალი საშუალო ზომის მსხალი უნდა მიირთვათ.

  2. მსხლის შემადგენლობაში შემავალი მჟავები განსაკუთრებით სასარგებლოა ორსულთათვის და მათთვის, ვისაც სისხლის მიმოქცევის, სისხლძარღვების პრობლემა აქვს. კარგია "მსხლის დღის" მოწყობა კვირაში ორჯერ - ამ დღეებში 1,5 - 2 კგ მსხალი უნდა მიირთვათ.

  3. ძველი ექიმბაშები მსხალს მაღალი სიცხის დროს აჭმევდნენ ავადმყოფებს.

  4. ძველად ამ ნაყოფს ჩეჩქვავდნენ, ნაჭერზე ათავსებდნენ და ჭრილობებზე იდებდნენ იარების მოსაშუშებლად.

  5. ძველარაბულ ნაშრომებში მითითებულია, რომ მსხალი ფილტვების საუკეთესო წამალია. იგი შეიცავს ბუნებრივ ანტიბიოტიკს - არბუტინს, რომელიც მსხლის წვენსა და კომპოტს ანტიბაქტერიულ თვისებებს ანიჭებს. მოხარშული და შემწვარი მსხალი ხველების საწინააღმდეგო საუკეთესო საშუალებად არის მიჩნეული.

  6. მსხალი კარგია მათთვისაც, ვისაც გახდომა სურს. ის ხელს უწყობს ნივთიერებათა ცვლას.

  7. მსხალი სასარგებლოა არითმიის დროს, ის არგულურებს გულისცემას, რადგან მასში დიდი რაოდენობით კალიუმია.

სტატიის ავტორი: კოკი ნარმანია
სტატიის წყარო:შენი ჯანმრთელობა შენს ხელშია