განსაკუთრებული მეგრული ხაჭაპური მაია თორიასგან
დღეს fpaparazzi ყველაზე გემრიელი ხაჭაპურის რეცეპტს გაგიზიარებთ.
საჭირო მასალა:
ცომისთვის:
მომზადების წესი:
გემრიელად მიირთვით.
საჭირო მასალა:
- 500 გ სულუგუნი
- 300 გ იმერული ყველი
- კარაქი
ცომისთვის:
- 500 გ ფქვილი + გასაბრტყელებლად
- 100 მლ რძე
- 1 კვერცხი
- 30 გ კარაქი
- 11 გ მშრალი საფუარი
- 11 გ შაქარი
- 11 გ მარილი
- ზეთი წასასმელად
მომზადების წესი:
- ცომისთვის საფუარი და შაქარი გახსენით 150 მლ თბილ წყალში და გააჩერეთ, სანამ აქაფდება.
- ოდნავ შეათბეთ რძე, გაადნეთ კარაქი.
- ცალკე ჯამში გაცერით ფქვილი დაუმატეთ მარილი და საფუვრიანი მასა, რძე, კარაქი და კვერცხი. მოზილეთ ელასტიკური ცომი.
- წაუსვით ცომის ზედაპირს ზეთი, გადაფარეთ ჩაის ტილო და გააჩერეთ თბილ ადგილას 1-1,5 საათით.
- გულსართისთვის გახეხეთ ორივენაირი ყველი და აურიეთ.
- ჩაზილეთ ამოსული ცომი და გაყავით 3 თანაბარ ნაწილად. გულსართს მოაკელით 100-150 გ, დანარჩენი გულსართიც გაყავით 3 თანაბარ ნაწილად.
- გაახურეთ ღუმელი მაქსიმალურ 250-300 გრადუსამდე. ცომის ერთი ნაწილი გააბრტყელეთ წრის ფორმად ფქვილმოყრილ ზედაპირზე. მოათავსეთ ცომის შუაგულში ყველის გულსართი და მოუკარით თავი.
- გადაიტანეთ ტაფაზე, ხელით ფრთხილად გააბრტყელეთ 1-1,5 სმ სისქეზე.
- თითოეულ ხაჭაპურს შუაგულში გაუკეთეთ ნაპრალი ჰაერის გამოსასვლელად, მოაყარეთ გადანახული გახეხილი ყველი და აცხვეთ 7-9 წუთი.
- მზა ხაჭაპურს წაუსვით კარაქი.
გემრიელად მიირთვით.