აჭარული ხაჭაპურის მარტივი რეცეპტი
ხაჭაპური - რა თქმა უნდა, ერთ-ერთი ყველასათვის საყვარელი კერძია. მისი უამრავი რეცეპტი არსებობს. თუმცა, დღეს მის ყველაზე მარტივ და გემრიელ ვერსიას გთავაზობთ.
საჭირო მასალა:
მომზადების წესი:
გემრიელად მიირთვით.
საჭირო მასალა:
- მშრალი საფუარი 1 ჩ/კ
- ფქვილი 500 გ
- ზეთი 1 ს/კ
- 600 გ სულუგუნი
- 1 ჭიქა თბილი წყალი
- 3 ს/კ კარაქი
- შაქარი 1 ჩ/კ
- 8 კვერცხი
- მარილი
მომზადების წესი:
- ჯამში ჩაასხით თბილი წყალი, ჩაახალეთ 1 კვერცხი, დაუმატეთ მარილი და შაქარი, დაუმატეთ ფქვილი და საფუარი. მოზილეთ გლუვი ცომი, გადააფარეთ ჩაის ტილო და გააჩერეთ 1 საათით. შემდეგ ჩაზილეთ და გააჩერეთ 30 წუთი.
- მანამდე მოამზადეთ გულსართი. გახეხეთ ყველი მსხვილად, დაუმატეთ 2 კვერცხი. თუ სულუგუნი არ არის მარილიანი, დაუმატეთ ცოტა მარილი და კარგად აურიეთ.
- ცომი კიდევ ჩაზილეთ, გაყავით 5 თანაბარ ნაწილად. გააბრტყელეთ თითოეული, მიეცით დიდი ოვალის ფორმა.
- თითოეულ ოვალზე გადაიტანეთ თანაბარი რაოდენობის გულსართი, მოუკარით კიდეები ისე, რომ დატოვოთ შუაში 3-4 სმ ადგილი.
- წაუსვით ხაჭაპურს კვერცხი და შედგით 200 გრადუსზე გახურებულ ღუმელში 30 წუთით.
- გამომგცვარ ხაჭაპურში ჩაახალეთ თითო კვერცხი და შეაბრუნეთ ღუმელში, სანამ მხოლოდ ცილა არ შეიკვრება.
- გამოიღეთ და ცხელ-ცხელში ჩადეთ კარაქის ნაჭერი.
გემრიელად მიირთვით.