პიცის მომზადების სრულიად განსხვავებული მეთოდი. სწრაფი, ნოყიერი და ლამაზი ვახშამი!

ყველაზე მეტად ეს რეცეპტი მათ მოეწონებათ, ვისაც გემრიელი ჭამა უყვარს, მაგრამ მზადება - ნაკლებად. ამ პიცის მომზადებას ბავშვიც კი შეძლებს, მით უმეტეს, რომ fpaparazzi გასწავლით, როგორ გააკეთოთ ის გემრიელთან ერთად ლამაზიც.

საჭირო მასალა:

• ნაღების ყველი 150 გ
  
• კამა 15 გ
  
• პიცის ცომი 500 გ
  
• ნაღები 50 მლ
  
• ჩრდილოეთის ორაგული 120 გ
  

მომზადების წესი:

1. ნაღების ყველი („ფილადელფია“ ან მასკარპონე) შეურიეთ ნაღებს და დაუმატეთ წვრილად დაჭრილი კამა.
   
2. ღუმელის ფირფიტაზე დააფინეთ პერგამენტის ქაღალდი, ზემოდან დააფინეთ პიცის ცომი (დაახლოებით 0,5 სმ-ზე გაბრტყელებული).
   
3. ზემოდან წაუსვით ნაღების ყველის მასა და დაალაგეთ თევზის ფილეს ნაჭრები.
   
4. გადაახვიეთ ცომი რულეტად და გაჭერით სიგრძეზე ორ ნაწილად.
   
5. დაწენით მიღებული ცომის ნაჭრები და შეკარით წრედ.
   
6. ოათავსეთ 180 გრადუსზე გახურებულ ღუმელში 30 წუთით.
   

გემრიელად მიირთვით!