ღორის ხორცის დამარილების რაჭული მეთოდი

საქართველოს მოსახლეობის ნაწილს ძალიან მოსწონს რაჭული წესით დამარილებული და გამშრალი ღორის ხორცი. ყველა დიდი სიამოვნებით მიირთმევს პროდუქტს როგორც გემრიელსა და შემრგოს. რაჭული წესით ღორის ხორცის დამზადება ოდნავ განსხვავდება ჩვეულებრივი დამარილებული ხორცის დამზადების ტექნოლოგიისაგან.

რაჭული წესით ღორის ხორცის დასამარილებელი მასალაა თავმოჭრილი და სიგრძივ შუაზე გაყოფილი ხერხემალგამოცლილი ფეშხოები. ამ ფეშხოებს დასერავენ და დააყრიან ხვრიშ მარილს - მარილი ყველგან უნდა მოხვდეს, უმარილო ადგილი არსად დარჩეს. შემდეგ ამ ფეშხოებს კვლავ ერთმანეთზე დაალაგებენ კანით გარეთ.

ერთი კვირის შემდეგ შეამოწმებენ - თუ მარილი აკლია დაუმატებენ, შემდეგ ზედა ნაწილს ათავსებენ ქვევით, ხოლო ქვედა ამოაქვთ ზევით. როცა მარილი ხორცის წვენს მთლიანად გამოიტას, ხორცს ჩამოკიდებენ კავზე გამოსაშრობად. 3-4 დღის შემდეგ ფეშხოები შეაქვთ შესაბოლ განყოფილებაში. რა თქმა უნდა, სავალდებული არ არის, მთლიან ფეშხოებად შევბოლოთ ღორის ხორცი. შეიძლება მისი დაჭრა და ნაჭერ-ნჭერ შებოლვა.

შებოლილი ხორი, როგორც წესი დიდხანს ინახება და არ კარგავს სასარგებლო თვისებებს.