ძლიერი სიგამხდრის, დაუძლურების და სისხლნაკლებობის სამკურნალო ძველი ხალხური საშუალებები

ეს საშუალებები საერთოგამაძლიერებელი ეფექტით გამოირჩევა. ძლიერი სიგამხდრის, დაუძლურების, სისხლნაკლებობის ან ტუბერკულოზის დროს ხალხური მედიცინა უძველეს საშუალებებს გვთავაზობს:

რეცეპტები:

• აიღეთ წითელი ღვინო (უმჯობესია კაგორი) - 350 გრ, ალოეს წვენი - 150 გრ, თაფლი - 250 გრ, ალოე უნდა იყოს 3 - 5 წლიანი, ფოთლების მოჭრამდე არ უნდა მორწყათ 3 -4 დღე. ალოეს ფოთლები გარეცხეთ, დააქუცმაცეთ და წვენი გამოწურეთ. ყველა კომპონენტი აურიეთ და გაიჩერეთ გრილ, ბნელ ადგილას ერთი კვირის განმავლობაში. მიიღეთ 1 ს/კ 3 - ჯერ დღეში, ჭამამდე 30 წუთით ადრე.
  
  
• 20 გრ ლიმონურას კენკრას დაასხით 1 ჩ/ჭ მდუღარე წყალი, გააჩერეთ 30 წთ - ის განმავლობაში. მიიღეთ 1 ს/კ 2 -3- ჯერ დღეში.
  
  
• 3 ს/კ ბარისპირას ბალახს დაასხით 0,5 ლ მდუღარე წყალი, დაუმატეთ ცოტაოდენი შაქარი, დააყენეთ. მიიღეთ 3/4 ჩ/ჭ 3 -ჯერ დღეში, ჭამამდე 30 წთ -ით ადრე.
  
  
• დაუძლურების და მადის შემცირების დროს დღეში ბევრჯერ მიიღეთ გახეხილი ბოლოკი, რამდენიმე დღის განმავლობაში, ბოლოკის ყოველი მიღების შემდეგ დააყოლეთ 1 ს/კ წყალი. ამავდროულად, რეკომენდებულია მდოგვის 20 - 30 მარცვლის მიღება დღეში ერთხელ, არანაკლებ 20 დღის განმავლობაში. მდოგვი ახალი უნდა იყოს.
  
  
• გამაჯანსაღებელი და საერთო გამაძლიერებელი ბალზამი: ბებრისკონას ყვავილს, ან ბალახის წვენი - 1 ს/კ. 4 - ჯერ დღეში.
  
  
• 40 გრ დაქუცმაცებულ ნიორს დაასხით 0,5 ჩ/ჭ წყალი. მიიღეთ 10 წვეთი 3 - ჯერ დღეში, ჭამამდე 30 წთ - ით ადრე, დააყოლეთ 50 გრ ცივი რძე.
  
  
• კარგი საერთოგამაძლიერებელი საშუალებაა ასკილის ნაყოფი, მისი ნაყენი თერმოსში უნდა მოამზადოთ.
  
  
• ძლიერი სიგამხდრის, დაუძლურების, სისხლნაკლებობის ან ტუბერკულოზის დროს მოამზადეთ ძველი ხალხური საშუალება: აიღეთ ბატის, ან ღორის მუცლის ქონი - 100 გრ. თაფლი - 100 გრ. ალოეს წვენი -15 გრ. კაკაოს ფხვნილი - 100 გრ. ნარევი გააცხელეთ დაბალ ცეცხლზე, მაგრამ არ აადუღოთ. რეგულარულად მოურიეთ, რომ არ მიიწვას. გააცივეთ და ჩაასხით მინის ქილაში, შეინახეთ მაცივარში. მიღების წინ 1 ჩ/კ ან 1 ს/კ ნარევი გააზავეთ 1 ჩ/ჭ რძეში და დალიეთ 2 -4- ჯერ დღეში სიგამხდრის ხარისხის მიხედვით.
  
  
• მადის მომატებას ხელს უწყობს შემდეგი ნაკრები: აიღეთ აბზინდას ბალახი - 20 გრ, ფარსმანდუკის ბალახი - 20 გრ, ბაბუაწვერას ფესვი - 10 გრ. 1 ს/კ ნარევს დაასხით 1 ჩ/ჭ მდუღარე წყალი, ადუღეთ 20 წთ, გაწურეთ და მიიღეთ 1 ს/კ ნაყენი, 3 -4-ჯერ დღეში, ჭამამდე 20 წუთით ადრე.