შინაური შამპუნი ხანგრძლივი მოხმარებისთვის - იდეალური თმის გარანტი...

მოამზადეთ თქვენი თმისა და კანის ტიპის შესაბამისად ხარისხიანი და უვნებელი შამპუნი. ასეთი შამპუნი, რომელიც ნატურალურ ინგრედიენტებზე მზადდება, არაფრით არ ჩამოუვარდება ხარისხით ნაყიდს და თავისი სასარგებლო თვისებებით ჯობნის კიდეც მას.
აფთიაქში შეიძინეთ შამპუნის ფუძე, რომელიც პარფიუმერულ დანამატებს არ შეიცავს.

შამპუნისთვის დაგჭირდებათ

ინგრედიენტები:

• შამპუნის ფუძე - 50 მლ
  
• ეთერული ზეთი - 20 -40 წვეთი
  
• გვირილას ბალახი - 1 ს/კ
  
• ბაზური ზეთი ( მაგ: ყურძნის წიპწის) - 1 ჩ/კ
  
• წყალი - 180 მლ
  

მომზადების წესი:
50 მლ შამპუნის ფუძეს ან ამდენივე ზეითუნის ან გლიცერინის საპონს შეურიეთ 20 -40 წვეთი ეთერული ზეთი და 1 - 2 ს/კ ბალახის (გვირილას ) ნახარში. დაუმატეთ 1 ჩ/კ ბაზური ზეთი (მაგ: ყურძნის წიპწის) და 180 მლ წყალი. სურვილის შემთხვევაში შამპუნს შეგიძლიათ დაუმატოთ 1 - 2 ს/კ თაფლი ან კვერცხის გული, გლიცერინი, ლეციტინი, ვაშლის ან ალოეს წვენი. თუ თმა ცხიმიანი გაქვთ, ბაზური საპონი შეამცირეთ, თუ მშრალი - გაზარდეთ. კარგად შეურიეთ ერთმანეთს ინგრედიენტები და ჭურჭელში ჩაასხით. ასეთი შამპუნი 1 კვირა ინახება. თუ 1 ჩ/კ არაყს დაუმატებთ, შენახვის ვადა 3 - 4 თვემდე გაიზრდება.