შინაურ პირობებში დამზადებული თაფლის რეცეპტები, იდეალური სახის კანისთვის და თმისთვის

ფუტკრის პროდუქტები ფართოდ გამოიყენება კოსმეტიკაში. შინაურ პირობებში კარგია მათ ფუძეზე დამზადებული სხვადასხვა სახის მკვებავები, ნიღბები, სამკურნალო საშუალებები.

თმის მოვლა

• თაფლის შამპუნი თმის დასარბილებად: 30 გრ სააფთიაქი გვირილას დაასხით 100 გრ წყალი და ერთი საათი გააჩერეთ. ნაყენი გაწურეთ და დაამატეთ ერთი დესერტის კოვზი თაფლი. დაბანილი თმა გაიშრეთ, კარგად დაისველეთ ამ შამპუნით, 30 - 40 წუთის შემდეგ ჩამოიბანეთ უსაპნოდ, თბილი წყლით.
  
  
• მშრალი თმის შემთხვევაში, ვიდრე დაიბანთ, სასურველია, საღამოს გაიკეთოთ ასეთი ნიღაბი: 1 კვერცხის გული, 1 ჩ/კ თაფლი, 2 კბილი ნადაყული ნიორი - კარგად აურიეთ და დაიდეთ თმაზე. დაბანის შემდეგ კარგია თუ ჭინჭრის ნაყენს გადაივლებთ.
  
  
• თაფლიანი ხახვი კარგია თმის გასამაგრებლად. ხახვი გაფცქვენით, გახეხეთ წვრილ სახეხზე, შეურიეთ თაფლი პროპორციით - 4:1, შეიზილეთ თავის თმიან ნაწილზე. 30 -40 წუთის შემდეგ ჩამოიბანეთ თბილი წყლით. მშრალი თმისა და ქერტლის შემთხვევაში ამ მასას დაუმატეთ ცოტაოდენი მცენარეული ზეთი, კარგად აურიეთ, შეიზილეთ თმის ძირებში, დაიფარეთ ქუდი 1 საათით, შემდეგ ჩამოიბანეთ.
  
  
• დინდგელის ექსტრაქტი თმის გასამაგრებლად. გამოიყენეთ დინდგელის 10 % - იანი ექსტრაქტი სპირტზე. შეიზილეთ თავის კანზე ან გამოიყენეთ თმის დასაბანად: 1ჩ/კ დინდგელის ექსტრაქტი 1 ჭიქა წყალზე. ეს არა მარტო ამაგრებს თმას, მის ზრდასაც უწყობს ხელს.
  

მშრალი კანი

• თუ ძალიან მშრალი კანი გაქვთ და გექერცლებათ, საჭიროა კვირაში 2 - 3 -ჯერ გაიკეთოთ დამარბილებელი ნიღბები. 1 ჩ/კ თაფლი გაქენით 1 კვერცხის გულთან ან აიღეთ თანაბარი რაოდენობით თაფლი, კვერცხის გული და არაჟანი. დაიდეთ სახეზე ეს მასა 15 - 20 წუთი და ჩამოიბანეთ თბილი წყლით.
  
  
• 1 ჩ/კ თაფლი, 3 ს/კ რძე, 3 ს/კ შვრიის ფქვილი (შეგიძლიათ "ჰერკულესი" დაფქვათ ), 1 ს/კ მცენარეული ზეთი. ნიღაბი დაიდეთ 20 წუთით, აუცილებლად ბნელ ოთახში.
  
  
• 1 ჩ/კ თაფლი გათეთრებამდე გაქენით და თანდათან ამატეთ ცოტაოდენი რძე, დაიდეთ სახეზე 15 წთ.
  

მკვებავი კრემი მშრალი და ნორმალური კანისთვის
1 კვერცხის გული, 1 ჩ/კ თაფლი, 1 ს/კ ნაღების კარაქი და 1 ჩ/კ სტაფილოს წვენი. გაიჩერეთ სახეზე 20 წუთი. მომზადებისთანავე წაისვით.