ანთურიუმის გამრავლების რამდენიმე მეთოდი

ანთურიუმის გამრავლების რამდენიმე მეთოდი
ჰორიზონტალური ფესურას მქონე მცენარეს გრუნტიდან იღებენ და აცალკევებენ 10 სანტიმეტრიან ნაჭრებად. ფესურას ნაჭრები მუშავდება ხის ან აქტივირებული ნახშირით, აცლიან ანთურიუმის ყველა ფოთოლს. ნაწილებს ქოთანში ათავსებენ, რომელიც ნესტიანი ქვიშით უნდა იყოს სავსე. ქოთნები შინაურ მინი-სათბურში უნდა დადგათ, საამისოდ სესანიშნავად გამოდგება ცარიელი აკვარიუმი.

აკვარიუმის ფსკერზე წყალი მუდამ უნდა ესხას, რაც გახმობას შეუშლის ხელს და დაეხმარება ახალი ფოთლების წარმოქმნაში. ამის შემდეგ, შეგიძლიათ ანთურიუმი გადარგათ გრუნტით სავსე დიდ ქოთნებში, რომლის შემადგენლობაც არ უნდა განსხვავდებოდეს იმისგან, რომელშიც იზრდებოდა მცენარე.

თუ ანთურიუმს ვერტიკალური ღერო აქვს, მას დაკალმების მეთოდით ამრავლებენ. ყლორტები (10 სმ) იჭრება, ჭრილი დახრილი უნდა იყოს და ნახშირი უნდა მოაყაროთ. მცენარისთვის აუცილებელია, რომ ოთახში ტენიანობა იყოს, ნამყნობი კი მუდმივად უნდა შეასხუროთ.
ანთურიუმის თესლებით გამრავება იმისთვისაა საჭირო, რომ გამოიყვანოთ ახალი ჯიშები ან დიდი ოდენობით ახალი ყვავილების მისაღებად.