სახელდახელოდ მომზადებული ლიმონის კულიჩი

კულიჩის ცომის მომზადება განსაკუთრებულ ყურადღებას მოითხოვს. კულიჩის წესიერად გამოცხობა დამოკიდებულია ფქვილის, საფუარის, ერბოსა და კვერცხის ხასიხსსა და ღუმელის დროულად და წესიერად გახურებაზე.
ცომის მომზადებისას უნდა გვახსოვდეს შემდეგი:

1. საფუარი უნდა იყოს ახალი, თეთრი, სქელი და ცივად შენახული.
   
2. ფქვილი და ერბო უნდა იყოს უმაღლესი ხარისხის.
   
3. კვერცხი -აუცილებლად ახალი.
   

ლიმონის კულიჩი

შემადგენლობა:

• ლიმონი 4 - 5 ცალი,
  
• კვერცხი - 12 ცალი,
  
• არაყი - 1 სირჩა,
  
• შაქარი - 2 ჩაის ჭიქა,
  
• ზაფრანა - 3 -4 ცალი,
  
• პურის ფქვილი - რამდენსაც შეიზელს.
  

მომზადების წესი:
4 -5 ცალი ლიმონი ვხარშოთ დარბილებამდე, შემდეგ დავჭყლიტოთ. მოვაცილოთ კურკები და დავნაყოთ როდინში თავის კანიანად. დანაყოლი ლიმონის მასას შევურიოთ 12 კვერცხის გული. ხის კოვზით ვლესოთ დიდხანს. შემდეგ გავატაროთ საცერში ან ფლავსაწურში, მივუმატოთ 2 ჩაის ჭიქა შაქრის ფხვნილი და პურის ფქვილი, რამდენსაც შეიზელს. შემდეგ შევურიოთ 12 კვერცხის თეთრად ათქვეფილი ცილა, არაყზე დაყენებული ზაფრანა და გამოვაცხოთ ჩვეულებრივი წესით.