კეფირზე მომზადებული უგემრიელესი თაფლაკვერები („პრიანიკები“)

fpaparazzi გირჩევთ, უარი თქვათ მაღაზიის თაფლაკვერებზე და თავად მოამზადოთ მარტივად ბავშვობის ეს უგემრიელესი ტკბილეული.
საჭირო მასალა:

• 350 მლ კეფირი ან მაწონი
  
• 1 ჭიქა შაქარი
  
• 2 კვერცხის გული და 1 კვერცხის ცილა
  
• 1 ს/კ თაფლი
  
• 3 ს/კ ზეთი
  
• 1 ჩ/კ სოდა
  
• ფქვილი დაახლოებით 2-3 (რამდენსაც შეიზელს)
  

მინანქრისთვის:

• 1 კვერცხის ცილა
  
• 3 ს/კ შაქარი
  

მომზადების წესი:
1. გააცალკევეთ ერთი კვერცხის ცილა გულისგან. ის მოგვიანებით დაგჭირდებათ.
2. კვერცხის გულები ათქვიფეთ შაქართან ერთად, დაუმატეთ თაფლი და კეფირი.
3. ფქვილში აურიეთ სოდა და ნელ-ნელა დაუმატეთ კეფირიან მასას. დაუმატეთ ზეთი. მიიღებთ საკმაოდ მაგარ ცომს.
4. გააბრტყელეთ ცომი სამუშაო მაგიდაზე დაახლოებით 1 სმ სისქეზე.
5. ჭიქით ამოჭერით თაფლაკვერები და დაალაგეთ პერგამენტდაფენილ ლითონის ფირფიტაზე.
6. აცხვეთ 180 გრადუსზე 25 წუთის განმავლობაში.
7. 3 კოვზი შაქარი ათქვიფეთ წინასწარ გადადებულ ცილასთან ერთად. ამოიყვანეთ ბეზე.
8. მიღებული მინანქარი წაუსვით თაფლაკვერებს ჩქარ-ჩქარი მოძრაობით, სანამ მინანქარი არ გამაგრდება და კვლავ შეაბრუნეთ ღუმელში 10 წუთით.
გემრიელად მიირთვით!