პროფილაქტიკური და სამკურნალო 10 ვარჯიში, გინეკოლოგიასა და უროლოგიაში.

ვარჯიშების ეს კომპლექსი კარგად არის ცნობილი გინეკოლოგიასა და უროლოგიაში. ასეთი ვარჯიშები ინიშნება საშვილოსნოს და მისი დანამატების ქრონიკული ანთების დროს, კლიმაქტერულ პერიოდში შარდის შეუკავებლობის დროს. ბევრი გინეკოლოგიური და უროლოგიური დაავადებების მიზეზი არის მცირე მენჯის კუნთების ტონუსის დაქვეითება. ვარჯიშების კომპლექსმა შეიძლება აგაცილოთ ქირურგიული ჩარევა, ის სასარგებლოა არა მხოლოდ ავადმყოფებისათვის.
პირველი 5 განკუთვნილია მცირე მენჯის კუნთების გასაძლიერებლად, ამათგან 4, რომელიც სრუდება მჯდომარე მდგომარეობაში შეიძლება ჩაერთოს დილის ვარჯიშებში. პირველი შეიძლება შესრულდეს ყველგან სადაც მოისურვებთ, სამუშაო მაგიდასთან, საშინაო საქმიანობის კეთების დროს და ა.შ. შედეგი მიიღწევა შეუმჩნევლად.

1. მჯდომარე, მწოლიარე ან მდგომ პოზიციაში 10 - 15 წამის განმავლობაში შეკუმშეთ ანუსი და საშო, მთელი ძალით დაჭიმეთ მცირე მენჯის კუნთები, შემდეგ მოადუნეთ, დაითვალეთ 5 - მდე და კვლავ დაჭიმეთ კუნთები. ეს ვარჯიში შეასრულეთ 10 - 20 - ჯერ.
   
   
2. დაწექით ზურგზე, ფეხები გასწორებული, ხელები თავისუფლად დაალაგეთ სხეულის გასწვრივ. მაქსიმალურად დაჭიმეთ მციე მენჯის კუნთები, შეკუმშეთ საშოს კედელი, დათვალეთ 7 - მდე. შემდეგ მაქსიმალურად მოადუნეთ სავარჯიშო გაიმეორეთ 10 - 15 - ჯერ.
   
   
3. მწოლიარე მდგომარეობაში, ფეხები მოხარეთ მუხლებში, ქუსლები დადგით მხრების სიგანეზე, ხელები სხეულის გასწვრივ, წამოწიეთ მენჯი და დაჭიმეთ საჯდომის კუნთები, ამავდროულად შეკუმშეთ ანუსი და საშო, შეეცადეთ მაქსიმალურად დაჭიმოთ 5 - 7 -წამის განმავლობაში. შემდეგ მოდუნდით. ვარჯიში გაიმეორეთ 10 - ჯერ დღეში. შეატყუპეთ ქუსლები და იგივე ვარჯიში გაიმეორეთ 10 - ჯერ.
   
   
4. ზურგზე დაწექით, ფეხები გაასწორეთ და შეატყუპეთ, დაჭიმეთ საჯდომის კუნთები, შეკუმშეთ ანუსი და საშო, წამოწიეთ სხეული, დაეყრდენით მხოლოდ ქუსლებს და კეფას, შეეცადეთ ასეთ მდგომარეობაში გაჩერდეთ 10 - 15წმ. შემდეგ დაეშვით იატაკზე ვარჯიში გაიმეორეთ 10 -ჯერ.
   
   
5. ზურგზე მწოლიარე მდგომარეობაში, ფეხები მოხარეთ მუხლებში, ქუსლები დადგით მხრების სიგანეზე, მუხლებს შორის მოათავსეთ ბურთი და მაქსიმალურად მოუჭირეთ 5 - 7 წმ. შემდეგ მოდუნდით. ვარჯიში გაიმეორეთ 10 - ჯერ.
   
   შემდეგი 4 სავარჯიშო მუცლის ქვედა კუნთების გამკვრივებას უწყობს ხელს.
   
   
6. დაწექით ზურგზე, გაშლილი ფეხები წამოწიეთ ( არაუმეტეს 20 - 30 სმ სხეულიდან ) შეასრულეთ 30 - ჯერ მაკრატელა.
   
   
7. ზურგზე დაწექით, ხელები დაიწყვეთ თავქვეშ, მუხლები შეატყუპეთ და მიიტანეთ მკერდთან, ფეხები გაასწორეთ და ასწიეთ ვერტიკალურად შემდეგ დაუშვით, ისევ მოხარეთ მიიტანეთ მკერდთან. ვარჯიში გაიმეორეთ 5 - 7 -ჯერ.
   
   
8. დადექით მუხლებზე, ხელები დაიწყვეთ კეფაზე, იდაყვები გაწიეთ განზე. ტორსის მოუხრელად დაჯექით ჯერ მარჯვნივ, შემდეგ მარცხნივ, ვარჯიში გაიმეორეთ 20 -30 - ჯერ.
   
   
9. დადექით სწორად, ხელები ასწიეთ თავს ზემოთ ( შეიძლება აიღოთ ჰანტელები) სხეული შეაბრუნეთ ჯერ მარცხნივ მერე მარჯვნივ, 10 - 15 - ჯერ.
   
   
10. მოცემული ვარჯიში იქნება წარმატების თვალსაჩინო დემონტრაცია, თუ ამ ვარჯიშს კარგად შეისწავლით ეს ნიშნავს, რომ თქვენ არ გემუქრებათ ისეთი უსიამოვნო პრობლემა როგორიცაა: ასაკობრივი შარდის შეუკავებლობა, რომელიც თვალსაჩინო ხდება დაცემინების, დახველების, მძიმე ჩანთის აწევის დროს ყოველი მოშარდვის დროს 5 - 10 - ჯერ შეწყვიტეთ შარდვა, თითქოს "კეტავთ" კუნთების დაჭიმვით.