სანამ ეს კერძი არ გავსინჯეთ, ოჯახში ბადრიჯან არავის გვიყვარდა. ორიგინალური, მადისაღმძვრელი, სწრაფად მოსამზადებელი!

fpaparazzi გთავაზობთ ბადრიჯნის მომზადების კიდევ ერთ მეთოდს, რომელიც მარტივია და შედეგი არაჩვეულებრივი!

საჭირო მასალა:

• საქონლის ხორცის ფარში 300 გ
  
• წიწიბურის ფანტელი 0,5 ჭიქა
  
• კვერცხი 1 ცალი
  
• ხახვი 1 ცალი
  
• პილპილი და მარილი გემოვნებით
  
• პომიდორი 1 ცალი
  
• ბადრიჯანი 1 ცალი
  
• ლორი 100 გ
  

მომზადების წესი:

1. ჩაჩხვლიტეთ ბადრიჯანი რამდნიმე ადგილას ჩანგლით და მოათავსეთ მიკროტალღურ ღმელში 4 წუთი. დიდ ბადრიჯანს მეტი დრო - 5-6 წუთი დაჭირდება. შემდეგ გააცივეთ და დაჭერით პატარა კუბიკებად. პომიდორს გადაავლეთ ადუღებული წყალი, გააცალეთ კანი და დაჭერით კუბიკებად.
   
2. ხორცის ფარშს დაუმატეთ წიწიბურის ფანტელი, დაჭრილი ბადრიჯანი და პომიდორი. დაუმატეთ კვერცხი, წმინდად დაჭრილი ხახვი, მარილი და პილპილი გემოვნებით.
   
   
   
3. მიღებული ფარშსგან გააკეთეთ კატლეტები და შეახვიეთ ლორის ფირფიტაში. სურვილისამებრ, მოაყარეთ სელის თესლი. აცხვეთ „კრუასანები“ 180 გრადუსზე გახურებულ ღუმელში 30-35 წუთი.
   
   
   

გემრიელად მიირთვით!