აჯაფსანდალი შემწვარი ბოსტნეულით

აჯაფსანდალი შემწვარი ბოსტნეულით
ბადრიჯნის სეზონი ახლოვდება და fpaparazzi-მაც გადაწყვიტა ამ ბოსტნეულისგან მომზადებული ყველაზე პოპულარული კერძის რეცეპტი შემოგთავაზოთ.

საჭირო მასალა:

  • 5 ცალი ბადრიჯანი
  • ნიორი 1 კბილი
  • რეჰანი 2-3 ღერი
  • 2 ცალი ბულგარული წიწაკა
  • 4 თავი ხახვი
  • ქინძი
  • ზეთი 4 ს/კ
  • კარტოფილი 3 ცალი
  • პომიდორი 8 ცალი


მომზადების წესი:

  1. ბადრიჯანი დაჭერით მსხვილ კუბიკებად, მოაყარეთ მარილი და გააჩერეთ 20 წუთით.
  2. შემდეგ გარეცხეთ და გაწურეთ.
  3. ხახვი და კარტოფილი გაფცქვენით. ბულგარული წიწაკა გაასუფთავეთ თესლისგან.
  4. პომიდორს გადაავლეთ ადუღებული წყალი და გააცალეთ კანი.
  5. დაჭერით ბოსტნეული მსხვილ კუბიკებად.
  6. მწვანილი გარეცხეთ, გააშრეთ და დაჭერით წმინდად.
  7. ნიორი გაფცქვენით და დაჭყლიტეთ ან წმინდად დაჭერით.
  8. გაახურეთ ტაფაზე 2 ს/კ ზეთი, შეწვით კარტოფილი 5 წუთის განმავლობაში. დაუმატეთ ბადრიჯანი და თუშეთ კიდევ 4 წუთის განმავლობაში.
  9. შემწვარი ბოსტნეული გადაიტანეთ ქვაბში, დაუმატეთ მწვანილი.
  10. ტაფაში ჩაასხით დარჩენილი ზეთი და მოხრაკეთ ხახვი 5 წუთის განმავლობაში, დაუმატეთ ბულგარული წიწაკა და პომიდორი და ხრაკეთ საშუალო ცეცხლზე 5 წუთის განმავლობაში.
  11. პომიდორი, წიწაკა და ხახვი დაუმატეთ კარტოფილისა დაბადრიჯნის მასას, დაუმატეთ ნიორი, მარილი და პილპილი.
  12. დადგით მაღალ ცეცხლზე, მიიყვანეთ ადუღებამდე და მაშინვე გადმოდგით ცეცხლიდან.
  13. სუფრასთან მიიტანეთ ცხელ-ცხელი.

გემრიელად მიირთვით!