ცხარე ჭარხლის სუპი ჯანჯაფილით

ცხარე ჭარხლის სუპი ჯანჯაფილით
მომზადების დრო- 1 საათი, პორციების რაოდენობა- 4, მომზადების სირთულე- ადვილი, კალორიულობა- 146 კკ-ია. ცილები 0. 6გ, ცხიმი- 2,2 გ, ნახშირწყლები- 23,8 გ
საჭირო მასალა:

  • ახალი ჯანჯაფილის ფესვი- 2 სმ
  • ყავისფერი შაქარი- 1 ჩ.კ
  • მწარე წიწაკა- 1 მწიკვი
  • ჭარხალი- 3 ცალი
  • მწვანე ხახვი- 1 კონა
  • მარილი გემოვნებით
  • ასკილის წვენი- 1 ჭიქა
  • ლიმონის წვენი- 2ს.კ
  • ნიორი- 1 კბილი
  • ხმელი ქინძი
  • ქინძი- რამდენიმე ღერი
  • ნატურალური იოგურტი- 2 ჭიქა
მომზადების წესი:

  1. მოამზადეთ წვნიანზე მოსასხმელი მასა: ჩაასხით ბლენდერში იოგურტი, დაუმატეთ ნიორი, ხმელი და ახალი ქინძი, მარილი და პილპილი. თქვიფეთ მანამ, სანამ ერთგავროვან მასას არ მიიღებთ.
  2. მასა ჩაასხით შუშის ჭურშელში, დააფარეთ თავსახური და შედგით მაცივარში 1 საათით.
  3. ჭარხალი გათალეთ, დაჭერით პატარა ნაჭრებად, ჩაყარეთ ქვაბში და მოასხით ლიმონის წვენი. 10 წუთით გააჩერეთ, შემდეგ დაასხით ასკილის წვენი და 2 ჭიქა წყალი. დაამატეთ გახეხილი ჯანჯაფილი, წიწაკა, მარილი და შაქარი. ხარშეთ დაბალ ცეცხლზე 30 წუთის განმავლობაში.
  4. როდესაც ჭარხალი დარბილდება, წვნიანის მთელი მასა დააბლენდერეთ.
  5. წვნიანი შეგიძლიათ მიირთვათ როგორც ცხელი, ისე ცივი. ზემოდან მოასხით იოგურტიანი მასა და წვრილად დაჭრილი მწვანე ხახვი.

გემრიელად მიირთვით.