კარამელიზებული კარტოფილი პომიდვრის ჩირით

fpaparazzi გემრიელი სამარხვო ვახშმის რეცეპტს გთავაზობთ.

მომზადების დრო: 1 სთ
ულუფების რაოდენობა: 4
მომზადების სირთულე: საშუალო
კალორიების რაოდენობა: 487

საჭირო მასალა:

• 2-2 ღერი ქორფა ქონდარი და მაიორანი
  
• ნიორი 3 კბილი
  
• შაქარი 150 გ
  
• მარილი
  
• ხახვი 1 თავი
  
• ზეითუნის ზეთი 100 მლ
  
• 200 გ პომიდვრის ჩირი ზეთში
  
• 1 კგ ახალი კარტოფილი
  

მომზადების წესი:

1. ღუმელი წინასწარ გაახურეთ 180 გრადუსზე.
   
2. კარტოფილი გარეცხეთ ჯაგრისით გამდინარე წყალში.
   
3. თითოეული კარტოფილი გაჭერით შუაზე, მოათავსეთ განაჭრელით ზევით ღუმელის ცხიმწასმულ ფირფიტაზე.
   
4. მოასხით ზეითუნის ზეთი, მოაყარეთ მარილი, პილპილი და აცხვეთ 30 წუთი.
   
5. ხახვი და ნიორი გაარჩიეთ, ხახვი დაჭერით კუბიკებად, ნიორი - წრეებას. დაფაში გაახურეთ 3 ს/კ ზეთი და მოხარკეთ ხახვი და ნიორი.
   
6. დაუმატეთ გამომცხვარი კარტოფილი და ხრაკეთ ერთად კიდევ 8 წუთი.
   
7. პომიდორი ამოიღეთ ზეთიდან, შეამშრალეთ და დაჭერით მოგრძო ნაჭრებად.
   
8. მწვანილი დაჭერით წმინდად და ცოტაოდენი გადადეთ ცალკე.
   
9. პომიდორი და მწვანილი დაუმატეთ კარტოფილს და გააგრძელეთ მოხრაკვა.
   
10. სიროფის მოსამზადებლად შაქარს დაასხით 5 ს/კ წყალი და ხარშეთ, სანამ შაქარი ბოლომდე არ გადნება და სანამ სიროფი არ გაოქროსფრდება.
    
11. ჩაასხით მიღებული სიროფი ტაფაში კარტოფილთან, მოაყარეთ მარილი და პილპილი გემოვნებით.
    
12. სუფრასთან მიტანამდე მოაყარეთ დაჭრილი ქორფა მწვანილი.
    

გემრიელად მიირთვით!