ტორტი „კრანჩინ მანჩინი“ - ცხობის გარეშე!

შავი შოკოლადის, მზესუმზირის და კენკრის საოცარი შეხამება ღირს იმად, რომ დახარჯოთ ცოტაოდენი დრო ამ დესერტის მოსამზადებლად. ამასთან ის რთული სულაც არ არის.

მომზადების დრო: 2 სთ 30 წთ
ულუფების რაოდენობა: 10
მომზადების სირთულა: მარტივი
კალორიების რაოდნობა: 167 კკალ.

საჭირო მასალა:

• 150 გ შავი შოკოლადი
  
• 1 სტანდარტული შეკვრა ხმელი კენკრის ჟელე ან 10 გ ჟელატინი
  
• 250 მლ კენკრის წვენი
  
• 70 გ გარჩეული მზესუმზირა
  
• 30 გ ნებისმიერი სახეობის ბურბუშელა („ხლოპია“)
  
• 1 კგ კენკრა (მარწყვი, ჟოლო, მაყვალი და სხვა.)
  

მომზადების წესი:

1. შოკოლადი დაამტვრიეთ პატარა ნაჭრებად, მოათავსეთ ცეცხლგამძლე მინის ან კერამიკის ჭურჭელში. მაღალ ქვაბში ჩაასხით წყალი, დადგით ცეცხლზე და მიიყვანეთ ადუღებამდე. მოათავსეთ მასში შოკოლადიანი ჭურჭელი და გაადნეთ შოკოლადი წყლის აბაზანაზე. თან ურიეთ.
   
2. ცხელ გამდნარ შოკოლადში ჩყარეთ ბურბუშელა და მზესუმზირა. კარგად აურიეთ. მრგვალ ტორტის ფორმაში ჩააფინეთ საკვების შესაფუთი ცელოფანი ისე, რომ კედლებზე გადმოეფინოს. ჩაასხით შოკოლადის მასა და მოასწორეთ ზედაპირი. მოათავსეთ მაცივარში 40 წუთით.
   
3. კენკრა გარეცხეთ, გააშრეთ, გაარჩიეთ. გამოიღეთ ფორმა მაცივრიდან და გაანაწილეთ კენკრა შოკოლადის მასის ზედაპირზე.
   
4. პატარა ქვაბში აადუღეთ 250 მლ წყალი, ჩაყარეთ მშრალი ჟელე, მოურიეთ და მაშინვე გადმოდგით ცეცხლიდან. მოასხით ჟელე ტორტს და შედგით 1 საათით მაცივარში.
   

რჩევა: ამ ტორტისთვის შეგიძლიათ გამოიყენოთ ხორბლის, ბრინჯის ან სინდის ბურბუშელა. მზესუმზირის მაგივრად კი შეგიძლიათ გამოიყენოთ გოგრის გარჩეული თესლი.
გემრიელად მიირთვით!