მარცეპანის ნამცხვარი - გემრიელი და უჩვეულო დესერტი

fpaparazzi განსხვავებული და ძალიან გემრიელი დესერტის რეცეპტს გთავაზობთ.

მომზადების დრო: 2 სთ 30 წთ
ულუფების რაოდენობა: 10
მომზადების სირთულე: რთული

საჭირო მასალა:

• ნიგოზი 100 გ
  
• კურაგა 300 გ
  
• თაფლი 50 გ
  
• გარჩეული ნუში 200 გ
  
• შაქარი 200 გ
  
• წვრილი ჯიშის უწიბწო ყურძენი 200 გ
  

მომზადების წესი:

1. ნუშს დაასხით ადუღებული წყალი და გააჩერეთ 1-2 წუთი. შემდეგ გადაიტანეთ საწურზე და გააცალეთ კანი.
   
2. გარეცხეთ ნაყოფი და მოხალეთ მშრალ, გახურებულ ტაფაზე 10-15 წუთი. თან ურიეთ. დააქუცმაცეთ მოხალული ნუში წმინდად.
   
3. შაქრისა და 2 ს/კ წყლისგან მოხარშეთ დაბალ ცეცხლზე სქელი სიროფი. დაუმატეთ სიროფში დაქუცმაცებული ნუში და 3-4 წუთის განმავლობაში თუშეთ დაბალ ცეცხლზე, თან ურიეთ.
   
4. გადაიტანეთ მიღებული მასა გაშლილ თეფშზე, გადააფარეთ ცელოფანი და გააცივეთ. შემდეგ კი გაატარეთ ხორცსაკეპ მანქანაში.
   
5. გარეცხეთ კურაგა და დამდუღრეთ. დააქუცმაცეთ 200 გ კურაგა ბლენდერში პიურეს მასის მიღებამდე.
   
6. ნიგოზი დაჭერით დანით და შეურიეთ კურაგას პიურეს. დაუმატეთ თაფლი და დადგით ცეცხლზე 3-4 წუთის განმავლობაში, თან ურიეთ.
   
7. გარეცხეთ და გაარჩიეთ ყურძენი.
   
8. სწორკუთხა ფორმაში ჩააფინეთ საკვების შესაფუთი ცელოფანი. გაანაწილეთ ფსკერზე მთლიანი კურაგები, შემდეგ გაანაწილეთ მარციპანის მასის ერთი მესამედი, ზემოდან გაანაწილეთ კურაგასა და ნიგვზის პიურე.
   
9. დაალაგეთ მჭიდროდ ყურძნის ლებნები, ზემოდან კი გაანაწილეთ მარცეპანის მეორე მესამედი.
   
10. შემდეგ გადაიტენეთ კურაგას პიურე და დარჩენილი მარცეპანი. გადააფარეთ ფორმას ცელოფანი და მოათავსეთ მაცივარში 4-5 საათი.
    
11. შემდეგ გადმოიღეთ მარცეპანი ფორმიდან, მოაცალეთ ცელოფანი და გემრიელად მიირთვით!