ბადრიჯნის რულეტები ნიგვზის გულსართით- სამარხვო და გემრიელი

თუკი შემწვარი ბადრიჯანი ნიგვზით თქვენი საყვარელი საჭმელია, მაშინ აუცილებლად სცადეთ ბადრიჯნის რულეტების მომზადება. ადვილია და მარხვის დღეების გამრავალფეროვნებაშიც დაგეხმარებათ

საჭირო მასალა:

• 1 წითელი წიწაკა
  
• მარილი
  
• 1 ჭიქა ნიგოზი
  
• 0,5 ჩ.კ დაფქული მიხაკი და დარიჩინი
  
• ნიორი- 2 კბილი
  
• 2 ღერი ოხრახუში, ქინძი და ბაზილიკი
  
• 0,5 ჭიქა ბროწეულის წვენი
  
• 1 კგ ბადრიჯანი
  
• 0,5 ჭიქა ბროწეულის მარცვლები
  
• 2-3 ღერი ხმელი ქინძი
  
• ხახვი
  
• მცენარეული ზეთი
  

მომზადების წესი:

1. ბადრიჯანი გარეცხეთ და დაჭერით სიგრძეზე თხელ ნაჭრებად. მოათავსეთ ქვაბში, ზემოდან მოაწყვეთ 3-4 წერი ხმელი ქინძი, დაასხით 1 ჭიქა ადუღებული წყალი და ხარშეთ სანამ მზად არ იქნება.
   
2. ხახვი წვრილად დაჭერით, მოაყარეთ მარილი და გააჩერეთ ნახევარი საათი, შემდეგ კი ხელით გაწურეთ.
   
3. ბადრიჯანს ზემოდან დააწყვეთ სიმძიმე და გააჩერეთ 1 საათით, რათა წყლისგან დაიწრიტოს.
   
4. ტაფაზე გააცხელეთ ზეთი და შეწვით ბადრიჯნები ორივე მხრიდან
   
5. ნიგოზი გაატარეთ ნიორთან, მწვანილთან და წიწაკასთან ერთად, დაუმატეთ მარილი.
   
6. ხახვი, მწვანილი, ნიგვზიანი მასა, დაფქული მიხაკი და დარიჩინი, ერთმანეთში კარგად აურიეთ. დაუმატეთ ბროწეულის წვენი. მიღებული გულსართი მოათავსეთ თითოეული ბადრიჯნის ნაჭერზე და რულეტივით დაახვიეთ. თითოეული რულეტი ხმელი ქინძის ტოტით ან ხის ჩხირით დააფიქრისრეთ.
   
7. მორთეთ ბროწეულის მარცვლებით და გემრიელად მიირთვით.