ისპანახის ფხალი - გემრიელი სამარხვო კერძი

fpaparazzi კიდევ ერთი ტრადიციული, სამარხვო კერძის რეცეპტს გთავაზობთ.

საჭირო მასალა:

• 500 გ ისპანახი
  
• 0,5 ჭიქა ბროწეულის მარცვლები
  
• 0,5 ჭიქა ბროწეულის წვენი
  
• საშუალო ზომის ხახვი
  
• ნიორი 2 კბილი
  
• 1 ჭიქა ნიგოზი
  
• ოხრახუში
  
• მარილი
  
• 1 ცალი წიწაკა
  
• 12 ღერი ქინძი
  

მომზადების წესი:

1. გაარჩიეთ ისპანახი, გარეცხეთ ცივ გამდინარე წყალში. მოათავსეთ ქვაბში, დაასხით ერთი ჭიქა ადუღებული წყალი, ზემოდან დაადეთ 10 ღერი ქინძი და ხარშეთ თავდახურულ ქვაბში მაღალ ცეცხლზე 15 წუთის განმავლობაში.
   
2. შემდეგ გადმოიღეთ საწურზე. როცა ისპანახი გაცივდება, ხელით გაწურეთ და დაკეპეთ დანით.
   
3. ხახვი და ოხრახუში დაჭერით წვრილად.
   
4. ნიორი, ნიგოზი, 2 ღერი ქინში და წიწაკა გაატარეთ ხორსაკეპში, დაუმატეთ მარილი და აურიეთ. მიღებული მასა გახსენით ბროწეულის წვენში. დაუმატეთ დაჭრილი ხახვი და ოხრახუში და აურიეთ.
   
5. მიღებული მასა შეურიეთ გაწურულ და დაკეპილ ისპანახს, გააკეთეთ პატარა ბურთები, დაალაგეთ გაშლილ თეფშზე და მოაყარეთ ბროწეულის მარცვლები.
   
6. სურვილისამებრ, დაუმატეთ მარცვლები ისპანახშიც და ისე აურიეთ.
   

გემრიელად მიირთვით!