სოკოთი და ბოსტნეულით ფარშირებული თალგამი

fpaparazzi სასარგებლო და გემრიელი კერძის რეცეპტს წარმოგიდგენთ.
მომზადების დრო: 1 სთ
მომზადების სირთულე: მარტივი

საჭირო მასალა:

• 1 კონა ჭყიმა მხალი
  
• ზეითუნის ზეთი 2 ს/კ
  
• 100 გ ხმელი თეთრი სოკო
  
• მწიკვი ხმელი ორეგანო
  
• ხახვი 1 პატარა თავი
  
• 8 დიდი ზომის თალგამი
  
• 300 გ სტაფილო
  
• ხმელი ქონდარი
  

მომზადების წესი:

1. სოკო გარეცხეთ, დაასხით ცივი წყალი და გააჩერეთ 2-3 საათი. ხარშეთ 20-30 წუთი იგივე წყალში.
   
2. თალგამი გაარჩიეთ, არ გადააგდოთ ყუნწი. მოწალეთ თალგამი ადუღებულ მარილწყალში 5 წუთის განმავლობაში. შემდეგ გადაავლეთ ცივი წყალი.
   
3. კოვზით ფრთხილად ამოუღეთ გული ისე, რომ დარჩეს 0,5-1 სმ კედლები.
   
4. თალგამის გული დაჭერით წვრილად და გადადეთ.
   
5. ხახვი და სტაფილო დაჭერით პატარა კუბიკებად.
   
6. სოკო დაჭერით და მოხრაკეთ ზიეუთინის ზეთში მაღალ ცეცხლზე, დაუმატეთ ხახვი, სტაფილო და დაჭრილი თალგამის გული. თუშეთ 5 წუთი.
   
7. დაუმატეთ ფარშს წვრილად დაჭრილი თალგამის მწვანე თავთავი, ჭყიმა მხალი, ორეგანო და ქონდარი, დაასხით 200 მლ სოკოს ბულიონი და თუშეთ, სანამ სითხე მთლიანად არ ამოქრება.. დაახლოებით 10 წუთი.
   
8. დაუმატეთ მარილი და გაავსეთ ამოღრუტნული თალგამები ფარშით. მოათავსეთ კერამიკულ ჭურჭელში, დაასხით 0,25 ლ წყალი და მოათავსეთ 180 გრადუსზე გახურებულ ღუმელში 25 წუთი. დროდადრო მოასხით თავისივე წვენი. სუფრასთან მიიტანეთ ცხელ-ცხელი.
   

გემრიელად მიირთვით!