ბარდის სუპი- უგემრიელესი წვნიანი მთელი ოჯახისთვის

ბარდის უგემრიელესი წვნიანი ნებისმიერ ამინდს და სეზონს უხდება. ამასთან სასარგებლო და ძალიან გემრიელია. მისი მომზადება ახალბედებსაც კი გაუდვილდებათ, რადგან ძალიან ადვილად მოსამზადებელია
მომზადების დრო- 2,30 წთ, პორციების რაოდენობა- 6, მომზადების სირთულე- საშუალო

საჭირო მასალა:

• მშრალი ბარდა- 500გ
  
• შებოლილი ღორის ნეკნები- 500გ
  
• ხახვი- 1 ცალი
  
• სტაფილო-1 ცალი
  
• კარტოფილი- 5-6 ცალი
  
• მცენარეული ზეთი- 1 ს.კ
  
• მდოგვი- 3-4 ს.კ
  
• ნიორი- 3 კბილი
  
• კამა და ოხრახუში- 1 კონა
  
• ბეკონი- 100გ
  
• მარილი და პილპილი გემოვნებით
  

მომზადების წესი:

1. ბარდა გარეცხეთ, დაასხით წყალი და გააჩერეთ 3-4 საათით.
   
2. შებოლილი ღორის ნეკნები დაწერით პატარა ნაჭრებად და ხარშეთ დაახლოებით 1.5 სთ-ის განმავლობაში.
   
3. ხახვი, სტაფილო და კარტოფილი გათალეთ. ხახვი და სტაფილო ძალიან წვრილად დაჭერით, კარტოფილი კი კუბებად
   
4. ნეკნები ამოიღეთ ქვაბიდან, მოაშორეთ ძვლები, ხოლო ბულიონში მოხარშეთ ბარდა, დაახლოებით 30 წუთის განმავლობაში. შემდეგ დაუმატეთ კარტოფილი და ხარშეთ კიდევ 20 წუთით.
   
5. ტაფაზე გააცხელეთ მცენარეული ზეთი. მოთუშეთ ხახვი და სტაფილო. შემდეგ დაუმატეთ წვნიანს და ადუღეთ კიდევ 10 წუთის განმავლობაში.
   
6. შემდეგ წვნიანს დაუმატეთ მდოგვი, ხორცის ნაჭრები, მარილი და პილპილი.
   
7. მწვანილი და ნიორი ძალიან წვრილად დაჭერით, ბეკონი შედარებით მოზრდილ ნაჭრებად. დაუმატეთ წვნიანს და რამდენიმე წუთში გადმოდგით ცეცხლიდან. გემრიელად მიირთვით.