რძის კისელი სტაფილოთი - სასარგებლო და გემრიელი დესერტი

სახამებელი, რომელსაც კისელი შეიცავს, ხელს უწყობს ორგანიზმიდან მძიმე ლითონების გამოდევნას და სისხლში ქოლესტერინის დონის დაბლა დაწევას.

საჭირო მასალა:

• რძე 1 ლ
  
• სტაფილო 2 ცალი
  
• 5 ჩ/კ სახამებელი
  
• შაქარი გემოვნებით
  

მომზადების წესი:

1. სტაფილო გაფცქვენით და გახეხეთ წვრილ სახეხზე.
   
2. სახამებელი გახსენით 1 ჭიქა ცივ რძეში.
   
3. დარჩენილი რძე დადგით ცეცხლზე და მიიყვანეთ ადუღებამდე, შემდეგ დაუმატეთ გახეხილი სტაფილო და შაქარი გემოვნებით და ადუღეთ 1 წუთი.
   
4. ისე, რომ ურიოთ შეუჩერებლად, დაუმატეთ რძეში გახსნილი სახამებელი და გადმოდგით ცეცხლიდან.
   
5. ჩამოასხით ჭიქებში ან სხვა ფორმებში და გააცივეთ.