რა გზით გადადის C ჰეპატიტი და რა ნიშნები ახასიათებს ამ დაავადებას.

C ჰეპატიტის გავრცელების სტატისტიკა ( იგი დედამიწის მოსახლეობის 15 % - ს აღენიშნება ) მეტად შემაშფოთებელია. მით უმეტეს, თუ იმასაც გავითვალისწინებთ, რომ დაავადებულთა 70% - ს სიცოცხლისთვის საშიში გართულებები უვითარდება. დაავადება გადადის სისხლით და მისი შემცველი კომპონენტებით. სქესობრივი გზით იგი საკმაოდ იშვიათად ( 1 - 2 % - ში ) გადაედება და ისიც უპირატესად ჰომოსექსუალისტებსა და იმ პირებს შორის, ვისაც ერთზე მეტი სქესობრივი პარტნიორი ჰყავთ.

აღსანიშნავია ისიც, რომ საკმაოდ ხშირ შემთხვევაში C ვირუსის ორგანიზმში შეჭრის გზები ვერ დგინდება. C ჰეპატიტის ძირითად გამავრცელებლებად მაინც ნარკომანები ითვლებიან, რომლებიც "საძმო" შპრიცით აინფიცირებენ ახლობელ - მეგობრებს.

დაავადება ზოგჯერ ხანგრძლივი დროის განმავლობაში უსიმპტომოდ მიმდინარეობს; შესაძლოა აღინიშნებოდეს შემდეგი სიმპტომები:

• დაღლილობის შეგრძნება;
  
• კუნთების და ძვლების ტკივილი;
  
• ტეხა;
  
• ცხელება;
  
• ოფლიანობა;
  
• გულისრევა;
  
• ტკივილი მუცლის არეში;
  
• უმადობა;
  
• ცხიმიან საკვებთან შეუთავსებლობა;
  
• ქავილი;
  
• წონაში დაკლება;
  
• გონების დაბინდვა;
  
• კონცენტრაციის უნარის დაქვეითება;
  
• სახსრების ანთება;
  
• არასრულფასოვანი ძილი;
  
• კანისა და ლორწოვანი გარსების გაყვითლება.
  

თუ ეჭვობთ, რომ შესაძლებელია C ჰეპატიტი გჭირდეთ, გირჩევთ ჩაიტაროთ სათანადო გამოკვლევა, რათა დროულად დაზუსტდეს დიაგნოზი.