ზუთხის სუფ-ხარჩო
fpaparazzi უგემრიელესი და სრულიად განსხვავებული წვნიანის რეცეპტს გთავაზობთ.
საჭირო მასალა:
მომზადების წესი:
საჭირო მასალა:
- ხახვი 3 თავი
- ტყლაპი 0,5 ჭიქა (დაჭრილი)
- დაფნის ფოთოლი 1 ცალი
- ნიგოზი 1,5 ჭიქა
- ნიახური 2 ღერი
- ნიორი 2-3 კბილი
- ხმელი ქინძის თესლი 1 ჩ/კ
- ხმელი სუნელი 1 ჩ/კ
- ცხარე წიწაკა 0,5 ცალი
- ზუთხი ცხიმიანი 500 გ
- სტაფილო 1 ცალი
- სურნელოვანი პილპილის მარცვლები 5 ცალი
- ოხრახუში 2 ღერი
- სიმინდის ფქვილი 1 ს/კ
მომზადების წესი:
- ზუთხი მოათავსეთ ქვაბში, დაასხით 2 ლ ცივი წყალი.
- 1 ხახვი და სტაფილო გაასუფთავეთ და დაუმატეთ ქვაბში თევზს. დაუმატეთ ოხრახუში, ნიახური, დაფნის ფოთოლი, სურნელოვანი პილპილის მარცვლები და მწიკვი მარილი. დადგით ცეცხლზე 10 წუთით.
- ტყლაპს დაასხით ნახევარი ჭიქა ადუღებული წყალი, მოურიეთ და გაატარეთ საცერში.
- დარჩენილი ხახვი დაჭერით ალყა-ალყა.
- თევზი ამოიღეთ ბულიონიდან, დაჭერით პატარა ნაჭრებად. ბულიონი გააგრილეთ, მოხადეთ ცხიმი ზედაპირიდან და მოხრაკეთ მასში ცალკე ქვაბში ხახვი 5 წუთის განმავლობაში.
- დაუმატეთ ხახვს სიმინდის ფქვილი, ურიეთ და ხრაკეთ 5 წუთი. ჩაასხით ხახვისა და ფქვილიან ქვაბში ბულიონი (1 ჭიქა დაიტოვეთ), წამოადუღეთ და დაუმატეთ დაჭრილი თევზი.
- ხარშეთ 10 წუთის განმავლობაში.
- ქონდარი დანაყეთ ნიორთან და ხმელ სუნელთან ერთად.
- ნიგოზი გაატარეთ ან დააბლენდერეთ. სუნელებისა და ნიგვზის მასა აურიეთ ერთმანეთში და გახსენით მორჩენილ, 1 ჭიქა ბულიონში.
- ცხარე წიწაკა დაჭერით წმინდად.
- წვნიანის ხარშვის დამთავრებამდე 5 წუთით ადრე დაუმატეთ ნიგვზის მასა, ცხარე წიწაკა, ტყლაპი.
- მზა წვნიანი გადმოდგით ცეცხლიდან და დაუმატეთ მარილი. გააჩერეთ 5 წუთი თავდახურულ ქვაბში და შემდეგ გემრიელად მიირთვით!