ქათმის საცივი - გემოთი არ ჩამოუვარდება ინდაურისას!

საცივი - ერთ-ერთი ყველაზე პოპულარული ქართული კერძია, რომელიც, რატომღაც, მხოლოდ ახალ წელთან და ინდაურთან ასოცორდება. დღეს fpaparazzi გასწავლით ქათმის საცივის მომზადებას, რომელიც ჩვეულებრივ დღეებშიც შეგიძლიათ მარტივად მოამზადოთ და ისიამოვნოთ.

საჭირო მასალა:

• 500 გ ნიგოზი
  
• ღვინის ძმარი 2 ს/კ
  
• 1 ცალი ცხარე წიწაკა
  
• 400 გ ხახვი
  
• მარილი
  
• 1 საშუალო ზომის ქათამი
  
• 0,5 ჩ/კ ზაფრანა
  
• ნიორი 2 კბილი
  
• 0,5 ჩ/კ დაფქული დარიჩინი და ამდენივე მიხაკი
  
• თითო ჩ/კ ხმელი ქინძი და ხმელი სუნელი
  

მომზადების წესი:

1. გასუფთავებული ქათამი მოათავსეთ ქვაბში, დაასხით წყალი და ხარშეთ. მოხარშეთ ნახევრად.
   
2. შემდეგ ამოიღეთ ბულიონიდან და მოათავსეთ ღუმელის ფირფიტაზე მკერდით დაბლა. მოაყარეთ მარილი, მოასხით ცოტაოდენი ბულიონი და მოათავსეთ ღუმელში.
   
3. შეწვის დროს დროდადრო მოასხით ფირფიტიდან წვენი და გადმოაბრუნეთ ხოლმე, რათა ყველა მხრიდან დაიბრაწოს.
   
4. ხახვი დაჭერით წმინდად და მოხრაკეთ ბულიონის ცხიმში.
   
5. ნიგოზი გაატარეთ ნიორთადნ და წიწაკასთან ერთად, დაუმატეთ მარილი, ზაფრანა და გახეხნით 6-8 ჭიქა ბულიონში.
   
6. დაასხით ნიგვზის სოუსი მოხრაკულ ხახვს და მაღალ ცეცხლზე ადუღეთ 15-20 წუთი. ცეცხლიდან გადმოდგმიამდე 5-7 წუთით ადრე დაუმატეთ ძმარი, დაფქული დარიჩინი, მიხარკი, ხმელი ქინძი და ხმელი სუნელი.
   
7. შემწვარი ქათამი დაჭერით, მოათავსეთ ღრმა ჭურჭელში და დაასხით ნიგვზის სოუსი.
   

გემრიელად მიირთვით!