სუპ-ხარჩო - ტრადიციული ქართული წვნიანი

fpaparazzi გემრიელი და ძალიან ნოყიერი წვნიანის მარტივ რეცეპტს გთავაზობთ.

საჭირო მასალა:

• პომიდორი 4 საშუალო ზომის
  
• 2/3 ჭიქა ბრინჯი
  
• თითო კონა ქინძი და ოხრახუში
  
• 2 მსხვილი თავი ხახვი
  
• 1 კგ საქონლის რბილი ხორცი
  
• მარილი
  
• 100 გ ტყლაპი ან ტომატპასტა
  
• ნიორი 0,5 თავი
  
• თითო ჩ/კ დაფქული ხმელი ქინძი და ხარჩოს სუნელი
  

მომზადების წესი:

1. ხორცი გარეცხეთ, დაასხით ცივი წყალი, დადგით ცეცხლზე და მიიყვანეთ ადუღებამდე. მოხადეთ ქაფი და ხარშეთ, სანამ არ დარბილდება.
   
2. ამოიღეთ ბულიონიდან მოხარშული ხორცი, გააცალეთ ძვლები და დაჭერით. ჩააბრუნეთ უკან ბულიონში.
   
3. ადუღებულ ბულიონში ჩაყარეთ ბრინჯი, წმინდად დაჭრილი ხახვი, პომიდორი. შემდეგ დაუმატეთ ადუღებულ წყალში გახსნილი ტყლაპი ან ტომატპასტა, ქინძი და ხმელი სუნელი.
   
4. ცეცხლიდან გადმოდგმამდე 5 წუთით ადრე დაუმატეთ დაჭრილი მწვანილი და ნიორი.
   

გემრიელად მიირთვით!