სუპ-ხარჩო საქონლის ხორცით - მომზადების წესი

ქართული სამზარეულოს კიდევ ერთი "გამორჩეული ვარსკვლავი" სუპ ხარჩო, რომლის 4-6 პორციის მოსამზადებლად თქვენ დაახლოებით 90 წუთი დაგჭირდებათ. მისი მომზადება საშუალო სირთულისაა და შეიცავს 289 კილოკალორიას.
ინგრედიენტები:

• საშუალო ზომის პომიდორი - 4 ცალი
  
• 2/3 ჭიქა ბრინჯი
  
• თითო შეკვრა ქინძი და პეტრუშკა
  
• 2 მოზრდილი ხახვი
  
• 1 კილოგრამი ძროხის გულმკერდი ან კანჭი
  
• მარილი
  
• 100 გრამი ტყლაპი ან ტომატი
  
• ნიორი 0,5 თავი
  
• თითო ჩაის კოვზი დაფქული ქინძი და ხარჩო-სუნელი
  

მომზადების წესი:

1. ნაბიჯი 1
   გარეცხეთ ხორცი, დაასხით ცივი წყალი და წამოადუღეთ, წყალი ადუღეთ ხორცის მოხარშვამდე - ქაფი კი მოაშორეთ ხოლმე.
   
2. ნაბიჯი 2
   ამოიღეთ ხორცი და მოაცალეთ ძვლები, დაჭერით მცირე ზომის ნაჭრებად და ჩააბრუნეთ ბულიონში.
   
3. ნაბიჯი 3
   ადუღებულ ბულიონში ჩაყარეთ ბრინჯი, წვრილად დაჭრილი ხახვი, პომიდორი. შემდეგ დაუმატეთ ტყლაპი ან ტომატ პასტა, ქინძი და სუნელი.
   მომზადების დასრულებამდე 5 წუთით ადრე ჩაამატეთ წვრილად დაჭრილი მწვანილი და ნიორი.