ტაფაზე გამომცხვარი კარტოფილის ღვეზელები ცხიმის გარეშე

ეს ღვეზელები ცხიმის გარეშე იწვება და ძალიან გემრიელია. ამასთან საკმაოდ ფუმფულა და ჰაეროვანი გამოდის.

საჭირო მასალა:

• კეფირი 500მლ
  
• სოდა 1 მწიკვი
  
• კარაქი 150 გ
  
• ფქვილი 600 გ
  
• კარტოფილი 1კგ
  
• მარილი გემოვნებით
  

მომზადების წესი:
1. ფქვილი გაცერით. დაუმატეთ მარილი და სოდა. შუაგულში ჩაასხით კეფირი და მოზილეთ ცომი. ჩადეთ პარკში და შედგით მაცივარში მთელი ღამით
2. მარილიან წყალში მოხარშეთ კარტოფილი. დაუმატეთ რძე და 50გ კარაქი. გააკეთეთ პიურე.
3. ცომისგან გააკეთეთ ბურთები და თითოეულ მათგანში მოათავსეთ 1 ჩ.კ პიურე.
4. ღვეზელები შეკარით.
5. გაახურეთ ტაფა და შეწვით ღვეზელები ორივე მხრიდან, სანამ არ გაყავისფრდება.
6. მზა ღვეზელები დააწყვეთ სუფთა ჩაის ტილოზე. მირთმევამდე შეგიძლიათ წაუსვათ ცოტა კარაქი.

გემრიელად მიირთვით.