ყველაზე გემრიელი და საახალწლო დესერტი - მანდარინის პანაკოტა

fpaparazzi მსუბუქი, არომატული და საოცრად გემრიელი დესერტის რეცეპტს გიზიარებთ და გირჩევთ, გაალამაზოთ ამ ტკბილეულით სადღესასწაულო სუფრა.

საჭირო მასალა:

პანა-კოტასთვის:

• 200 მლ 33 %-იანი ნაღები
  
• 200 მლ ნატურალური იოგურტი
  
• 200 მლ მანდარინის წვენი
  
• 150 გ (შეიძლება მეტი, ან ნაკლები გემოვნებით) შაქარი
  
• 1 შეკვრა ვანილის შაქარი
  
• 10 გ სწრაფად ხსნადი ჟელატინი
  

ჟელესთვის:

• 0,5 ჭიქა მანდარინის რბილობი
  
• 150 მლ მანდარინის წვენი
  
• 2-3 ს/კ შაქარი
  
• 1 ჩ/კ ჟელატინი
  

მომზადების წესი:

1. ჟელატინი დაალბეთ 3 ს/კ ცივ წყალში, ჟელესთვის კი ცალკე - 2-3 ს/კ წყალში 10-10 წუთით.
2. ნაღები და იოგურტი ათქვიფეთ ერთად, დ აუმატეთ მანდარინის წვენი, შაქარი და ვანილის შაქარი.
3. დადგით ცეცხლზე და შეათბეთ შაქრის გადნობამდე (არ მიიყვანოთ ადუღებამდე), გადმოდგით ცეცხლიდან, დაუმატეთ ჟელატინი (პანა-კოტასთვის) და კარგად აურიეთ.
4. გაწურეთ და ჩამოასხით ფორმებში ან ბოკლებში.
5. მოათავსეთ მაცივარში მასის გამაგრებამდე, დაახლოებით 1 საათით.
6. მანდარინის წვენს შეურიეთ შაქარი, დადგით ცეცხლე და ურიეთ, სანამ შაქარი არ გადნება.
7. გადმოდგით ცეცხლიდან და დაუმატეთ ჟელატინი. კარგად აურიეთ და გააგრილეთ.
8. მაცივრიდან გამოიღეთ გაცივებული პანა-კოტა, ზემოდან მოაწყვეთ მანდარინის რბილობები, დაასხით ჟელე და კვლავ შედგით მაცივარში გამაგრებამდე.

გემრიელად მიირთვით!