მაღალქუსლიანი ფეხსაცმელი და იშიაზის გართულების 4 სხვა მიზეზი

იშიაზი საჯდომი ნერვის ანთებაა. საჯდომი ნერვი ჩვენი ორგანიზმის ერთ-ერთი უდიდესი ნერვია, რომელიც ხერხემლის გავა-წელის მიდამოში ზურგის ტვინის ხუთი სხვადასხვა დონიდან იღებს სათავეს, მიუყვება დიდ დუნდულა კუნთს, ჩადის ფეხში, იტოტება და მუხლის, წვივის, წვივ-ტერფის სახსრებს, ტერფსა და ფეხის თითებს სწვდება. ის საკმაოდ შემაწუხებელი დაავადებაა, ამიტომ საჭიროა, ვიცნობდეთ იმ მიზეზებს, რომლებიც იშიაზის განვითარებას უწყობს ხელს:

1. მაღალქუსლიანი ფეხსაცმელი მოხერხებული შიდალანჩის გარეშე
   
   ასეთი ფეხსაცმლის ტარებისას შეიძლება სიარულისას წარმოქმნილი ძალა გადავიდეს თქვენს კიდურებზე და გადაეცეს თეძოსა და ზურგს.
   
   
2. საფულე, მობილური ტელეფონი და პლასტიკური ბარათები შარვლის უკანა ჯიბეში
   
   თუკი დიდხანს გიწევთ ჯდომა და ამასთან, შარვლის უკანა ჯიბეში აღნიშნული ნივთები გიდევთ, ეს მსხლისებრ კუნთს გააღიზიანებს. საჯდომი ნერვი სწორედ მსხლისებრი კუნთის ქვეშ გადის, ჯიბეში ჩაწყობილმა ნივთები შეიძლება კუნთს დააწვეს და ნერვიც გააღიზიანოს.
   
   
3. სტრესი, სტრესი და სტრესი
   
   სტრესის დროს საჯდომი ნერვი პირდაპირ არ ღიზიანდება, სამაგიეროდ ტვინი ამცირებს ნერვებისთვის ჟანგბადის მიწოდებას, რაც იმავე სიმპტომებს იწვევს.
   
   
4. ვიწრო შარვალი და მჭიდრო საცვლები
   
   ეს პირდაპირ არ იწვევს რევმატიზმს, თუმცა შესაძლებელია, რომ გამაღიზიანებლად იქცეს.
   
   
5. ჭარბი წონა
   
   ჭარბი წონის შემთხვაშიც საჯდომ ნერვზე ზეწოლა დიდია, შესაბამისად, რაც მეტია თქვენი წონა, მით მეტია იშიაზის რისკიც.