არომატული და ნაზი თევზის კატლეტები მანის ბურღულით

fpaparazzi თევზის კატლეტების მარტივ და ძალიან გემრიელ რეცეპტს გთავაზობთ!

საჭირო მასალა:

• ზღვის თევზის ფილე 500 გ
  
• მანის ბუღული 100 გ
  
• კვერცხი 1 ცალი
  
• ხახვი 1 თავი
  
• ნაღები 100 მლ
  
• მარილი 0,5 ჩ/კ
  
• შავი პილპილი გემოვნებით
  
• ზეთი 30 გ
  

მომზადების წესი:

1. გაალღვეთ გაყინული ფილე და კარგად გარეცხეთ. გაატარეთ ხახვთან ერთად ხორცსაკეპ მანქანაში.
   
2. დაუმატეთ ფარშს ნაღები, კვერცხი, მარილი და პილპილი. კარგად აურიეთ ერთგვაროვანი მასის მიღებამდე.
   
3. დაუმატეთ მანის ბურღული და კვლავ კარგად აურიეთ.
   
4. მოათავსეთ ფარში მაცივარში ერთი საათით.
   
5. სველი ხელებით გააკეთეთ კატლეტები. ამოავლეთ ფქვილში და შეწვით ცხელ ზეთში ორივე მხრიდან.
   

გემრიელად მიირთვით!