მზესუმზირის 7 დადებითი გავლენა ჩვენს ჯანმრთელობაზე

ყველას ძალიან გვიყვარს მზესუმზირის კნატუნი, ეს კი სახალისოსთან ერთად, ძალიან სასარგებლოცაა და აი, რატომ:

1. აუმჯობესებს გულის მუშაობას
   მზესუმზირა ძალიან სასარგებლოა გულსისხლძარღვთა სისტემისთვის. ის შეიცავს ორ უმნიშვნელოვანეს ნივთიერებას - ე ვიტამინსა და ფოლატს. ე ვიტამინს ანტიოქსიდანტის ფუნქცია აქვს, რეგულარული მიღების შემთხვევაში ამცირებს გულის დაავადების რისკს. ფოლატი კი ჰომოცისტეინს გარდაქმნის მეთიონინად, რომელიც ადამიანის ორგანიზმის ფუნქციონირებისთვის უმნიშვნელოვანესი ამინომჟავაა.
   
   
2. აუმჯობესებს გუნება-განწყობას
   მზესუმზირა შეიცავს დიდი რაოდენობით მაგნეზიუმს, ეს ნივთიერება კი ძალიან ეფექტურად გამოიყენება დეპრესიასთან ბრძოლაში.
   
   
3. არეგულირებს ქოლესტერინის დონეს
   მზესუმზირაში დიდი რაოდენობითაა ფიტოსტეროლი, რომელსაც ქოლესტერინის მსგავსი თვისებები აქვს და ექიმები ქოლესტერინის დონის დასაბალანსებელი დიეტის დროს ნიშნავენ.
   
   
4. იცავს თქვენს თმასა და კანს
   ე ვიტამინისა და ცხიმოვანი მჟავების კომბინაციის მეშვეობით, მზესუმზირას შეუძლია დაიცვას თქვენი სახე და თმა მზის მავნე ზემოქმედებისგან და ზელი შეუწყოს რეგენერაციის პროცესს.
   
   
5. ენერგიის წყარო
   მზერუმზირაში შემავალი ვიტამინი ბ-1 ხელს უწყობს ადამიანს საკვებიდან მეტი ენერგიის ათვისებაში და ააქტიურებს ორგანიზმში მისი ფუნქციონირებისთვის აუცილებელ უჯრედებს.
   
   
6. სისხლის მიმოქცევის გაუმჯობესება
   მაგნეზიუმის მაღალი შემცველობის წყალობით, მზესუმზირა ხელს უწყობს სისხლის ნორმალური მიმოქცევის შენარჩუნებას და გიცავთ სერიოზლი დაავადებებისგან.
   
   
7. ფარისებრი ჯირკვლის ფუნქციონირების ხელშეწყობა
   ფარისებრი ჯირკვლის პრობლემებს ძირითადად სელენის დეფიციტი იწვევს. მზესუმზირა კი სელენის არაჩვეულებრივი წყაროა. რამდენიმე მუჭა მზესუმზირის მირთმევით სელენის დეფიციტის რისკს შეამცირებთ.