არაერთხელ ნაცადი სამკურნალო ხილის ჯემი, რომელიც ყაბზობისგან გაგანთავისუფლებთ!

ჩემთვის ცნობილია ყაბზობის სამკურნალო უებარი საშუალება - ხილის ჯემი, რომელიც არაერთხელ გამოვცადე.

დაგვჭირდება:

• 30 გრ ლეღვი ჩირი
  
• 30 გრ გარგარის ჩირი
  
• 30 გრ შავი ქლიავის ჩირი ( უკურკო)
  
• 1 ს/კ თაფლი
  

მომზადების და გამოყენების წესი:
ხორცსაკეპში გაატარეთ დამბალი 30 - 30 გრ ლეღვის, გარგარის, და შავი ქლიავის ჩირი ( უკურკოდ), შეურიეთ 1 ს/კ თაფლი. პროფილაქტიკისთვის მიიღეთ თითო ს/კ ძილის წინ, ხოლო სამკურნალოდ - 3-ჯერ დღეში ჭამის შემდეგ. ჯემი თავდახურული მინის ჭურჭლით შეინახეთ მაცივარში.

ექიმის კომენტარი:
ყაბზობის მკურნალობა გულისხმობს მისი გამომწვევი მიზეზების დადგენას და მკურნალობას, აგრეთვე, ნაწლავთა პერისტალტიკის გამაძლიერებელი საშუალებების დანიშვნას. ასეთ საშუალებათა რიცხს ეკუთვნის უჯრედისით მდიდარი ხილ - ბოსტნეულიც. მკითხველის მიერ მოწოდებულ რეცეპტებში სწორედ ასეთი კომპონენტები შედის. ამიტომ ეს ჯემი ნამდვილად ეფექტიანი იქნება კუჭის შეკრულობის დროს.