აი, როგორ უნდა მოიშოროთ სინესტე, სოკო და ობი ბინიდან! სცადეთ!
როგორც ყველასთვის ცნობილია, სინესტე საცხოვრებელ ბინაში მავნებელია ადამიანის ჯანმრთელობისათვის, აგრეთვე საშიშროებას წარმოადგენს ტექნიკური თვალსაზრისითაც.
- სინესტის გაჩენის მიზეზი მრავალია: ნედლი მასალით მშენებლობა, აშენებული სახლის სახურავის ან წყალსადენმილის დაზიანება, საიდანაც შეიძლება განუწყვეტლივ ჟონავდეს წყალი, სახურავიდან წყლის ჩამოსასვრეტი მილის დაზიანება და სხვა.
- სინესტის დროს ხის მასალას ზოგჯერ სოკოვანი დაავადება უჩნდება, რაც მეტად მავნებელია, ამიტომ აუცილებელია მისი სასწრაფოდ მოსპობა.
- სოკოვანი დაავადების თავიდან აცილების მიზნით ოდნავ საეჭვო ადგილებზე უნდა გადაუსვათ შაბიამნის 10 % ხსნარი, ე.ი. ერთ წილ შაბიამანს გავხსნით 10 წილ წყალში. ეს ხსნარი უნდა წაესვას წელიწადში ორ-სამჯერ.
- თუ სოკოები უკვე ამოსულია ხის მასალაზე, ასეთი ხსნარის წასმა არ უშველის. დაზიანებული ფიცარი უნდა ამოვიღოთ, დავწვათ, ხოლო მის ნაცვლად ჩავდგათ საღი.