ბოსტნეულის ტორტი - გემრიელი, მსუბუქი და ლამაზი სალათა

fpaparazzi გთავაზობთ ულამაზესი და უგემრიელესი სალათის რეცეპტს, რომელიც თამამად შეგიძლიათ მოამზადოთ სადღესასწაულო სუფრისთვის.
საჭირო მასალა:

• კარტოფილი 7-8 ცალი
  
• ჭარხალი 5 საშუალო
  
• სტაფილო 5 ცალი
  
• მაიონეზი
  
• მარილი და შავი წიწაკა
  
• მწვანე ხახვი და კამა
  

მომზადება:
1. კარგად გარეცხეთ ჭარხალი, სტაფილო და კარტოფილი. მოხარშეთ მარილიან წყალში, ოღონდ ჭარხალი მოხარშეთ ცალკე.
2. გაფცქვენით და გახეხეთ მოხარშული ბოსტნეული მსხვილ სახეხზე.
3. სასალათის ძირზე მოაფინეთ ჯერ კარტოფილი, შემდეგ სტაფილო, მოასხით მაიონეზი, შემდეგ ჭარხალი, მოაყარეთ მარილი, შავი წიწაკა და წვრილად დაჭრილი მწვანე ხახვი და კამა.
4. გაიმეორეთ ყველაფერი კიდევ ერთხელ. ბოლოს თავზე მოასხით მაიონეზი და მორთეთ დაჭრილი მწვანილით.
გემრიელად მიირთვით!