როგორ ვიმკურნალოთ ბროწეულით სხვადასხვა დაავადებების დროს!

ალბათ, ყველამ კარგად იცის, რომ ბროწეულის წვენი უებარი საშუალებაა ჰემოგლობინის ასაწევად, მაგრამ, თურმე იგი ათეროსკლეროზსაც ებრძვის.
გარდა ამისა, სასარგებლოა ბროწეულის ქერქის ნახარში. ჩემს მეუღლეს აწუხებდა ღვიძლი და სახსრები.ვასვი ეს ნახარში და უკეთესობა მალევე იგრძნო;
გთავაზობთ ამ ნახარშის რეცეპტს:
ინგრედიენტები:

• 2ჩ/კ ბროწეულის დაქუცმაცებული ქერქი
  
• 1ჩ/ჭ მდუღარე წყალი
  

მომზადების და გამოყენების წესი:

2 ჩ/კ ბროწულის დაქუცმაცებულ ქერქს დაასხით 1 ჩ/ჭ მდუღარე წყალი, 30 წუთი ადუღეთ წყლის ორთქლზე,გაწურეთ 2-3 ფენა მარლაში,დაამატეთ მდუღარე წყალი ისე, რომ 1 ჭიქამდე შეავსოთ. მიიღეთ 1/4 ჭიქა ნახარში 2-3-ჯერ დღეში,ჭამამდე.



ექიმის კომენტარი:

ბროწეული საკმაოდ მდიდარია ბიოაქტიური ნივთიერებებით: შეიცავს 14%-მდე ასკორბინის მჟავას (C ვიტამინს ),ორგანულ მჟავებს,შაქარს,ტანინს.
სასარგებლოა ბროწეულის ახალგამოწურული წვენი - იგი აუმჯობესებს სისხლძარღვთა ტონუსს,გარდაქმნის "ცუდ" ქოლესტერინს "კარგ" ქოლესტერინად,ამდიდრებს სისხლს ჟანგბადით, ხელს უწყობს ჰემოგლობინის დონის აწევას,აუმჯობესებს კანის, ღვიძლის, თირკმლების, ფილტვების, ელენთის,ფარისებრი სა წინამდებარე ჯირკვლების რეგენერაციის პროცესს.
ტკილი ჯიშის ბროწეული სასარგებლოა ფაღარათისა და თირკმლის ჭვალის დროს.მჟავე ბროწეული კარგია დიაბეტის დროს, მაგრამ მჟავე წვენი აღიზიანებს კუჭის ლორწოვან გარსს და შლის კბილის მინანქარს, ამიტომ უმჯობესია წვენი წყლით განაზავოთ.
ბროწეულის წვენი არ შეიძლება მიიღოთ ღვიძლის,თირკმლების, პირის ღრუს,სახსრების ტკივილის,მოტეხილობის,საშვილოსნოდან და ღრძილებიდან სისხლდენის, ფაღარათის, კოლიტის და დიზენტერიის დროს.
ბროწეულის ქერქის ფხვნილს იყენებენ კანის ეპითელიუმის მთლიანობის დარღვევის დროს.
უნდა გაგაფრთხილოთ, რომ ბროწეულით ხანგრძლივად მკურნალობას შეიძლება გვერდითი ეფექტებიც ჰქონდეს, ამიტომ მკურნალობის დაყებამდე ექიმს ჰკითხეთ რჩევა.