არავითარი მედიკამენტები! უმკრუნალეთ დიარეას ( კუჭის აშლილობას ) ბუნებრივი, საუკეთესო საშუალებებით.

არავითარი მედიკამენტები! უმკრუნალეთ დიარეას ( კუჭის აშლილობას ) ბუნებრივი, საუკეთესო საშუალებებით.
დიარეა (კუჭის აშლილობა ) გულისხმობს ნაწლავთა გახშირებულ მოქმედებას - დღე-ღამეში 2-3-ზე მეტ დეფეკაციას თხიერი ან ფაფისმაგვარი განავლით.
დიარეას უმეტესად ვირუსული ან ბაქტერიული ინფექცია და საკვებით მოწამვლა იწვევს. მედიკამენტურ მკურნალობაზე გაცილებით ეფექტურად გამოიყენება ტრადიციული მედიცინის რეცეპტები:

  • კარგი საშუალებაა გამხმარი მოცვი. 4 ჩაის კოვზ გამხმარ მოცვს დაასხით 1 ჩაის ჭიქა ანადუღარი წყალი და გააჩერეთ 8 საათი. დაალევინეთ ავადმყოფს დღეში 3- ჯერ. შეგიძლიათ გამხმარი მოცვისგან გააკეთოთ კისელი და მისცეთ ავადმყოფს, როგორც სამკურნალო საშუალება.

  • დიზენტერიისა და სხვადასხვა ხასიათის ფაღარათობის დროს ხალხური მედიცინა იყენებს მარწყვბალახის გამხმარ ფესვებს. ემალის ქვაბში ჩაყარეთ 1 სუფრის კოვზი დაქუცმაცებული გამხმარი ფესვები, დაასხით 1 ჩაის ჭიქა ადუღებული წყალი და დაბალ ცეცხლზე ადუღეთ 20 წუთის განმავლობაში, გააცივეთ, გაწურეთ და მიეცით ავადმყოფს სუფრის კოვზით 6 - ჯერ დღეში.

  • კუჭის აშლილობის დროს კარგი საშუალებაა მცენარე თავშავას ნახარში. მას ახასიათებს ანთებისა და მიკრობსაწინააღმდეგო მოქმედების უნარი. ერთ მუჭა დაქუცმაცებულ ნედლეულს დაასხით 1 ჩაის ჭიქა მდუღარე წყალი, ადუღეთ ნელ ცეცხლზე 5 წუთი, გააცივეთ, გაწურეთ . მიეცით ავადმყოფს ღვინის ჭიქით 3 - ჯერ დღეში.

  • 3 – 4 ცალ ბროწეულის გამხმარ კანს დაასხით 0,5 ლ წყალი და ადუღეთ ნელ ცეცხლზე 15 – 20 წუთი. გააცივეთ, გაწურეთ. მიეცით ავადმყოფს ღვინის ჭიქით 3 - ჯერ დღეში. იგი უებარი შემკვრელი საშუალებაა დიზენტერიისა და ენტეროკოლიტის დროს.
    ფაღარათის დროს დალიეთ ძალიან მარილიანი ერთი სირჩა არაყი და თავს კარგად იგრძნობთ.

  • 200 გრ კაკლის უღელს დაასხით იმდენი სპირტი , რომ მას ფარავდეს. გააჩერეთ ერთი კვირა და გაწურეთ. მიიღეთ 6 – 10 წვეთი, დღეში 3 – 4 - ჯერ. იგი დიდხანს ინახება მაცივარში.

  • ერთ ჩაის ჭიქა ბრინჯს დაასხით 6 – 7 ჩაის ჭიქა მდუღარე წყალი და ადუღეთ დიდხანს, ბრინჯის კარგად მოხარშვამდე. გაწურეთ და მიიღეთ ნახარში წვენი ორი სუფრის კოვზის რაოდენობით, ყოველ ორ საათში (შემთბარი ). იგი უებარი საშუალებაა კუჭის აშლილობის დროს.

სტატიის ავტორი: მერი კაიკაციშვილი
სტატიის წყარო:მკურნალობა ოჯახურ პირობებში და ექიმის რჩევები