უგემრიელესი იტალიური ბრუსკეტი – საუზმე სულ რაღაც 5 წუთში

fpaparazzi გთავაზობთ მარტივ, მსუბუქ და ძალიან გემრიელ – კლასიკურ იტალიურ საუზმეს.
საჭირო მასალა:

• პური 4 ნაჭერი
  
• ყველი 100-150 გ
  
• ნიორი 1-2 კბილი
  
• პომიდორი 1-2 ცალი
  
• კარაქი 1-2 სუფრის კოვზი
  
• მარილი, პილპილი გემოვნებით
  
• ქორფა მწვანილი (კამა, ოხრახუში, რეჰანი) – გემოვნებით
  

მომზადების წესი:

1. დარბილებულ კარაქს შეაზილეთ წვრილად დაჭრილი ნიორი. მსხვილ ნაჭრებად დაჭრილ პურს წაუსვით ნივრიანი კარაქი.
   
2. დააწყეთ ზემოდან ყველის ნაჭრები. შედგით ღუმელში იქამდე, სანამ ყველი არ გადნება, ხოლო პური არ დაიფარება ოქროსფერი ქერქით.
   
3. გამოიღეთ ღუმელიდან პური, ყველის ზემოდან დააწყვეთ მრგვლად დაჭრილი პამიდვრის ნაჭრები.
   
4. მოაყარეთ მარილი, პილპილი და დაჭრილი მწვანილი.
   
5. კვლავ შედგით ღუმელში მხოლოდ ერთი წუთით.
   

გემრიელად მიირთვით!