ინჰალაციის ხალხური რეცეპტი ასთმის შემოტევების შესაჩერებლად

ზამთარი ასთმიანებისთვის ძალიან რთული პერიოდია. ასთმის დროს კარგია კამის ინგალაციები, ის მშვენივრად ხსნის ასთმის შეტევებს. ეფექტის გასაუმჯობესებლად კამას კარტოფილიც დაუმატეთ და მოამზადეთ შემდეგი რეცეპტი
მომზადება და გამოყენების წესი:

1. კანიანად მოხარშულ კარტოფილს დაუმატეთ 2-3 სუფრის კოვზი კამის თესლი და გამხმარი ღეროები, წამოადუღეთ ორი წუთით.
   
2. შემდეგ წყალი გადაღვარეთ, თავზე გადაიფარეთ პირსახოცი და კარტოფილისა და კამის არომატი ისუნთქეთ 15 წუთის განმავლობაში.
   
3. პროცედურა ყოველ დღე უნდა ჩაიტაროთ. ასთმის გამწვავებისას უკვე მესამე პროცედურაზე მოგეხსნებათ შეტევები.
   

ამ შემთხვევაში მხოლოდ ცხელ ორთქლს კი არ აქვს ეფექტი, არამედ კამაში შემავალ ნივთიერებებსაც, რომლებიც ადუნებს სისხლძარღვებს და ამშვიდებს ნერვებს.
Fpaparazzi-ის რედაქცია გთავაზობთ კამით მკურნალობის კიდევ ერთ რეცეპტს
მომზადება და გამოყენების წესი:

1. ყავის საფქვავში დაფქვით კამის თესლი და ჩაყარეთ წვრილყელიან ბოთლში, დაახურეთ მჭიდრო საცობი.
   
2. დღის განმავლობაში ხშირ-ხშირად შეანჯღრიეთ ბოთლი და თითოეულ ნესტოში შეისუნთქეთ კამის სურნელი.
   

ექიმის კომენტარი: კამა ჩვენში საკმაოდ გავრცელებული მცენარეა. მისი თესლი 5%-მდე ეთერზეთს, 20%-მდე ცხიმოვან ზეთს, აგრეთვე შაქრებს, უჯრედისს და კაროტინს შეიცავს. ფოთლებში ბევრია C ვიტამინი, კაროტინი, ფლავონოიდები, ეთერზეთები, კალიუმის, კალციუმის, ფოსფორისა და რკინის მარილები.
კამის ღეროები და ფოთლები ხალხურ მედიცინაში გამოიყენება ჰიპერტონიული დაავადების, ათეროსკლეროზის ფონზე განვითარებული გულის რიტმის დარღვევის დროს. მის ნაყენს აქვს სპაზმების მომხსნელი, საძილე და შარდმდენი ეფექტი. ფლავონოიდები ამცირებს სისხლძარღვთა კედლის გამავლობას, კალიუმს აქვს ანტიართრიტული ეფექტი, C ვიტამინი კი აწესრიგებს მეტაბოლიზმს ორგანიზმში.
კამის ნაყენს განსაკუთრებული ეფექტიანობით იყენებენ კუჭ-ნაწლავის ტრაქტის ქრონიკული დაავადებების სამკურნალოდ როგორც ანტისპაზმურ და მეტეორიზმის საწინააღმდეგო საშუალება.