რეცეპტი: ვირთევზას სუპი ნორვეგიულად
ვირთევზას ნორვეგიული სუპის 4-6 პორციის დასამზადებლად თქვენ დაგჭირდებათ ერთი საათი. რეცეპტი საშუალო სირთულისაა მაგრამ გემო მოლოდინს გადააჭარბებს.
ინგრედიენტები:
მომზადების წესი:
ინგრედიენტები:
- 3 ჭიქა თევზის ბულიონი
- 2 ჭქა რძე
- 1 ჭიქა ცხიმიანი ნაღები
- 6 სუფრის კოვზი კარაქი
- 500 გრამი ვირთევზას ფილე - კანის გარეშე
- 4 საშუალო ზომის კარტოფილი
- 2 საშუალო ზომის სტაფილო
- 1 ღერო მწვანე ხახვი (მხოლოდ თეთრი და მწვანე ნაწილი)
- 1 მცირე ზომის ნიახურის ფესვი
- ნიახურის 2 ღერო
- პატარა თავი ხახვი
- 4 კბილი ნიორი
- პატარა კონა კამა
- ერთი კონა პეტრუშკა
- 1 ლიმნის წვენი
- 1,5 სუფრის კოვზი ვუსტერის სოუსი
- მარილი, ახალდაფქული შავი პილპილი
მომზადების წესი:
- ნაბიჯი 1
გაასუფთავეთ ბოსტნეული.ხახვის თავი, ნიახურის ფესვი და ღერო დაჭერით წვრილ კუბებად, მწვანე ხახვი წვრილ ნახევარ-რკალებად. კარტოფილი დაჭერით მსხვილ კუბებად, სტაფილო -ალყა-ალყა. ნიორი წვრილად დაჩეხეთ.
- ნაბიჯი 2
ქვაბში, საშუალო ცეცხლზე გაადნეთ კარაქი. ჩაყარეთ ნიორი, ნიახურის ღერო, ხახვი და ხახვის ღერო, მოაყარეთ მარილი,პილპილი და მოამზადეთ დარბილებამდე 8-10 წუთი. შემდეგ დაუმატეთ სტაფილო, ნიახურის ფესვი, კარტოფილი. ჩაასხით ბულიონი, რძე, ნაღები, ვუსტერის სოუსი და წამოადუღეთ. შემდეგ დაუკელით ცეცხლს და ხარშეთ მორევით მანამ სანამ ბოსტნეული არ დარბილდება დაახლოებით 25 წუთი.
- ნაბიჯი 3
ვირთევზა დაჭერით ნაჭრებად 5х2 სანტიმეტრი. დაუმატეთ თევზი ბულიონს და გააგრძელეთ ხარშვა, ფრთხილად ურიეთ მომზადებამდე დაახლეოებით 5-6 წუთი. წვრილად დაჭერით კამა და პეტრუშკა და დაუმატეთ სუპს ლიმონის წვენთან ერთად. საჭიროების შემთხვევაში დაუმატეთ კიდევ მარილი და პილპილი.