ზეითუნის ზეთი - სიამოვნება და წამალი ერთროულად!

ზეითუნის ზეთი - სიამოვნება და წამალი ერთროულად!
სახალხო მედიცინაში ზეითუნის ზეთი გამოიყენება როგორც ნაღვლის ფუნქციის მარეგულირებელი საშუალება. ექიმბაშები მას რძეში თანაბარი რაოდენობით ურევენ, როგორც შხამსაწინააღმდეგო და სასაქმებელ საშუალებას და რძესთან ერთად აძლევენ მოწამლულს.

ხველების დროს ზეითუნის ზეთს კვერცხის გულსა და შაქარში ურევენ და დილით და საღამოს 2 ჩაის კოვზს იღებენ, მაგრამ მისი სამკურნალო თვისება მხოლოდ ამით არ შემოიფარგლება.

სახსრების ტკივილის დროს შეგიძლიათ ზეითუნ - გვირილის ნარევით მტკივნეული სახსრები დაიზილოთ. ამისათვის საჭიროა ერთი ლიტრა ზეთი გააცხელოთ და 100 გრ გამხმარი გვირილის ყვავილები დაუმატოთ. ზეთი გააჩერეთ 10 წუთს, შემდეგ - გაწურეთ. მტკივნეული ადგილები თბილი ზეთით დაიზილეთ.

ზურგის ტკივილის, იშიაზის ან კუნთების ტკივილის დროს საკმარისია ზეითუნის ზეთის რამდენიმე წვეთი ფრთხილად შეიზილეთ კანში.

დაღლილობისა და ფეხების სიმძიმის შეგრძნების დროს თუ ტერფები აგტკივდებათ, ფეხის აბაზანა გაიკეთეთ. ამის შემდეგ მასაჟის მოძრაობით ტერფების კანში ზეითუნის ზეთსა და ლიმონის წვენის ნარევი 1:1 შეიზილეთ.

კუჭის წვის დროს ( ძმარვა )
ჭამის წინ ერთი სუფრის კოვზი ზეითუნის ზეთი მიიღეთ. ეს კუჭის წვენის გამოყოფას შეამცირებს.
სტატიის ავტორი: თინა ავალიშვილი
სტატიის წყარო:ყოველდღიური საოჯახო წიგნი