როგორ იკლებენ წონას ვარსკვლავები?

როგორ იკლებენ წონას ვარსკვლავები?
როდესაც ვუყურებთ ნებისმიერი სელებრითის გამოსვლას, თავისთავად გვეფიქრება, თუ როგორ ინარჩუნებენ ისინი ლამაზ ფიგურას. ისინი, ხომ ყოველთვის საუკეთესოდ გამოიყურებიან. გსურთ თქვენც გქონდეთ ლამაზი ფიგურა და დაიკლოთ წონაში? მაშინ აუცილებლად გაითვალისწინეთ ჩვენი რჩევები.

კვების ხარისხი.

სელებრითების პირველ და უმკაცრეს წესს წარმოადგენს სწორი კვების რეჟიმი. დიეტა და რაციონი თითოეული სელებრითისათვის ინდივიდუალურია, თუმცა თითოეული მათგანი იცავს ამ დიეტას მთელი ცხოვრების მანძილზე და არა რაღაც დროიდან გარკვეულ დრომდე. ზოგი მათგანი უპირატესობას ანიჭებს ჯანსაღ საკვებს: ბოსტნეულს, ხილს, ზოგიც უარს ამბობს ხორცზე, ვიღაც კი მიირთმევს მხოლოდ გრეიფრუტს და ქათმის კვერცს. იშვიათობაა, რომ რომელიმე მათგანმა თავს უფლება მისცეს და ჭამოს ტორტი ან შემწვარი კარტოფილი.
ჰოლივუდის ვასკვლავების რაციონი შედგენილია საუკეთესო დიეტოლოგების მიერ. გარდა ამისა, ისინი ექიმების მუდმივი მეთვალყურეობის ქვეშ არიან, ხოლო ვიტამინებისა და მინერალების არასაკმარის რაოდენობას ისინი სპეციალური წამლების მეშვეობით ინაზღაურებენ.

სპორტი - სილამაზე და ჯანმრთელობა.

როდესაც ვსაუბრობთ იმაზე, თუ როგორ იკლებენ წონას ვარსკვლავები, არ შეიძლება არ ვახსენოთ სპორტი. მუდმივი ვარჯიშები, იოგა, გიმნასტიკა - ეს მათი ცხოვრების ისეთივე ნაწილია, როგორც მოდის ჩვენებები, გადაღებები და სხვ. არცერთი დიეატა არ მოგცემთ ისეთ შედეგს, როგორც ფიზკულტურა.

მთავარი არის განწყობა.

როგორ ფიქრობთ, ადვილია ყოველდღიური დიეტა და ფიზიკური ვარჯიშები? თქვენი აზრით, სელებრითები შეძლებდნენ ყოველივე ამას, რომ არა ფსიქოლოგიური მომენტის დაძლევა და ამაღლებული განწყოვის შექმნა საკუთარი თავისათვის? ნუ იფიქრებთ უარყოფითზე, იფიქრეთ მხოლოდ საუკეთესოზე, იფიქრეთ იმ შედეგზე, რომელსაც ძალიან მალე მიაღწევთ და საერთოდ გახსოვდეთ, რომ ცხოვრება მშვენიერია მიუხედავად მისი უარყოფითი მხარეებისა.