ფრჩხილების კვნეტის ჩვევას უფრო ღრმა მიზეზი შეიძლება ჰქონდეს, ვიდრე ნერვიულობაა.

თქვენ, ალბათ იცნობთ ადამიანს, რომელსაც ფრჩხილების კვნეტის ჩვევა აქვს. ან სრულად შესაძლებელია, თქვენ თვითონ ხართ ასეთი ადამიანი. ეს არა მხოლოდ ესთეტიკის საკითხია, არამედ პრობლემა, რომელთან გამკლავებაც მარტივი არაა. ხშირად ეს ჩვევა მოზარდობის ასაკში ჩნდება, მაგრამ ბევრი ამ ჩვევას ვერ ელევა და მთელი ცხოვრება რჩებათ. გაოცდებით, მაგრამ მოზრდილი ადამიანების 50% (განსაკუთრებით ქალები) ფრჩხილებს იკვნეტს.



არსებობს მოსაზრება, რომ ასეთი ჩვევა საუბრობს ადამიანის ნერვიულ მდგომარეობაზე და შფოთვაზე. მაგრამ ეს ყოველთვის ასე არაა. 

ეს ქცევა ხშირად პერფექციონისტებისთვის არის დამახასიათებელი. კვლევაში, რომელიც ქცევითი თერაპიისა და ექსპერიმენტული ფსიქიატრიის ჟურნალმა გამოაქვეყნა, ეს სისუსტე შემდეგნაირად არის აღწერილი:

"ჩვენ ვთვლით, რომ ასეთი რეგულარული ქცევა ახასიათებს ადამიანს, როგორც პერფექციონისტს. ეს იმას ნიშნავს, რომ პიროვნებას მშვიდ საშუალო რეჟიმში მისთვის განკუთვნილი დავალების შესრულება არ შეუძლია. შედეგად, მიუღწეველი მიზნები იმედგაცრუებას, გაღიზიანებას და უკმაყოფილებას იწვევს" - ამბობს ნამუშევრის ავტორი. 



ამ პრობლემის რამდენიმე სტადია გამოიყოფა, ყველაზე უფრო სერიოზული მათ შორის არის ინფექციის გავრცელება ან საერთოდ თითის დაკარგვა. ეს ჩვევა ნეგატიურად მოქმედებს კბილებსა და პირის ღრუზე. 



თქვენ შეგიძლიათ ამოიცნოთ საკუთარ თავში პერფექციონისტი შემდეგი ნიშნებით:

• საკუთარი თავის მიმართ დაუნდობელი ხართ;
  
• ძალიან იმედგაცრუებული ხართ, როცა სასურველს ვერ აღწევთ; 
  
• თქვენთვის არსებობს ორი ვარიანტი - ყველაფერი ან არაფერი; 
  
• იშვიათად გრძნობთ კმაყოფილებას ან სიამოვნებას; 
  
• თქვენ როგორც წესი ელოდებით სწორ მომენტს და ხშირად ეს მომენტი არასდროს დგება;