ვაშლის, რამდენიმე საინტერესო და სამკურნალო რეცეპტი

ვაშლი მინერალებისა და ვიტამინების ყველაზე გავრცელებული წყაროა. ვაშლის სიკეთის შესახებ, ალბათ, ყველას გსმენიათ, მაგრამ მინდა, რამდენიმე საინტერესო რეცეპტი მოგაწოდოთ:

  • ტვინის უჯრედების კვებას აუმჯობესებს გახეხილი ვაშლის, ლიმონის წვენის, კაკლისა და თაფლის ნარევი, რომელიც ასე მზადდება:
    300 გ ვაშლს შეურიეთ 2 ს/კ ლიმონის წვენი, ამდენივე თაფლი და გატარებული ნიგოზი.

  • ვაშლის ძმარი არაჩვეულებრივი პროფილაქტიკური საშუალებაა ვენების ვარიკოზული გაგანიერების, კანის დაავადებების, ანგინის და სხვა მრავალი პათოლოგიის დროს.

  • მოზრდილმა ადამიანმა რეგულარულად უნდა მიიღოს ვაშლის ძმრის წყალხსნარი (2 ჩ/კ ვაშლის ძმარი გახსენით 1 ჩ/ჭ წყალში, დაუმატეთ 1 ჩ/კ თაფლი). სვით დღეში ორჯერ, თითო ჩ/კ. ამ ხსნარის ყოველდღიური მიღება გაგიძლიერებთ იმუნიტეტს, დაგიცავთ გაცივებისგან, ხოლო თუ დილაობით რეგულარულად დალევთ ერთ ჭიქა წყალში განზავებულ 1 ჩ/კ ძმარს, მაშინ ღრმა სიბერემდე შეინარჩუნებთ უნაკლო მხედველობას.

  • თირკმელებში წვრილი კენჭების არსებობისას სასარგებლოა ვაშლის წვენით მკურნალობა. უნდა გამოწუროთ მწიფე, ტკბილი ვაშლის წვენი. მკურნალობის კურსი ასეთია: პირველ დღეს დილის 8 საათზე დალიეთ 1 ჭიქა (250 მლ) ვაშლის წვენი. შემდეგ ყოველ 2 საათში სვით 2-3ჭიქა, ბოლო ულუფა უნდა მიიღოთ 20 საათზე. მეორე დღეს წვენი იმავე სქემით სვით. ამ დღეებში არაფერი უნდა ჭამოთ. მესამე დღეს დილის 8 საათზე დალიეთ 2 ჭიქა წვენი, ნახევარ საათში კი - 100 მლ პროვანსული ზეთი და მაშინვე მიაყოლეთ 1 ჭიქა წვენი. დაახლოებით 1 -2 საათში წვრილი კენჭები და ქვიშა დაიწყებს გამოსვლას თირკმლებიდან.

ექიმის კომენტარი:
გვინდა, შეგახსენოთ, რომ კენჭოვანი დაავადების თვითმკურნალობისას დიდი სიფრთხილე გმართებთ, რადგან შესაძლოა დაძრული კენჭები საშარდე გზებში გაიჭედოს და მდგომარეობა გაამწვავოს, ანდა მოძრავმა კენჭმა დააზიანოს საშარდე გზების შიგნით ზედაპირი და ხელი შეუწყოს ინფექციის განვითარებას.
სტატიის წყარო:თამარ მამაცაშვილის წიგნი კარაბადინი