მცენარეული საშუალებები, რომლებიც დაგეხმარებათ ჩირქგროვების მკურნალობაში.
ჩირქგროვა ვითარდება ჩირქმბადი მიკრობების მოხვედრით ორგანიზმში, სადაც ისინი შეიჭრებიან კანის და ლორწოვანი გარსების დაზიანებული უბნებიდან. ჩირქგროვების სამკურნალოდ გამოიყენეთ შემდეგი საშუალებები:
- რძეში მოხარშული ხახვის ნახევარი დაადეთ ჩირქგროვაზე.
- კაკლის დაღეჭილი გული დაადეთ ჩირქგროვაზე.
- ჩირქგროვის სწრაფად მომწიფებისათვის ძილის წინ დაადეთ დაავადებულ ადგილზე რძეში დასველებული ხორბლის პურის გული.
- მიიღეთ ფარსმანდუკის ახალი წვენი თაფლთან ერთად ( გემოვნებით ) სამ - სამი ჩაის კოვზი დღეში.
- მოსრისეთ მრავალძარღვას ფოთლები მარილთან, სანთლის ცვილთან და შავი პურის დაღეჭილ გულთან ერთად. დააფინეთ ეს მასა დაავადებულ ადგილზე და გადაახვიეთ დოლბანდით.
- ჩირქგროვის დროს, როცა შესიებულია ხელის თითები, დააფინეთ დაავადებულ ადგილზე მრავალძარღვას ფოთოლი, რომელსაც წასმული აქვს არაჟანი.
- დაადეთ ფქვილში არეული თაფლი.
- თითზე ჩირქგროვის დროს აანთეთ ცვილის სანთელი და როცა ცვილი დაიწყებს დნობას, დააწვეთეთ იგი დაავადებულ ადგილზე რამდენჯერმე.
- თითზე ჩირქგროვის დროს დაადეთ კომპრესის სახით ჩაის სოკოს პატარა ნაჭერი. კომპრესი გააკეთეთ პერგამენტის ქაღალდით და არა პოლიეთილენით, რადგანაც დაავადებულ ადგილზე უნდა მოხვდეს ჰაერი.