ხელის არტერიების შევიწროებისას გამოსაყენებელი ეფექტური რეცეპტები!

რეინოს სინდრომი სისხლძარღვთა სპაზმით მიმდინარე პათოლოგიაა, რომელსაც უპირატესად წერილი ტერმინალური არტერიებისა და არტერიოლების დაზიანება ახასიათებს. იგი ვლინდება შეტევითი ხასიათის თითების გაფითრებითა და ციანოზით.

ხელის არტერიების შევიწროებისას გამოიყენეთ ხალხური საშუალებები:

• ხელის არტერიების შევიწროებისას კარგია ასეთი რეცეპტი: ნაძვის, ფიჭვის ან სოჭის ნორჩი წიწვები დააქუცმაცეთ, დაამატეთ 5 სუფრის კოვზი თაფლი, 2 - 3 სუფრის კოვზი ასკილის ნაყოფი, 3 სუფრის კოვზი ხახვის ნაფცქვენი, დაასხით 1 ლ წყალი, ადუღეთ 10 წუთს, შემდეგ გადაასხით თერმოსში, გააჩერეთ მთელი საღამო, დილით კი გაფილტრეთ. მიიღეთ 0,5 ჭიქა დღეში 4 - 5 - ჯერ. ეს რეცეპტი უკუნაჩვენებია კუჭისა და კუჭქვეშა ჯირკვლის დაავადებების შემთხვევაში.
  
  
• 1 ს/კ კედრის გაურჩეველი, ნაჭუჭიანი კაკალი ( გირჩაში არსებული მარცვალი ) დაჩეჩქეთ., დაასხით 200 მლ ახალი რძე (უკეთესია თხის) და სამჯერ წამოადუღეთ ნელ ცეცხლზე ( სამივეჯერ უნდა გაიკეთოს ქაფი და მორევით დააცხროთ ), შემდეგ დაამატეთ 1 ჩაის კოვზი თაფლი და 1 სუფრის კოვზი გაღვივებული ხორბალი. დალიეთ თბილ - თბილი, 100 - 100 მლ დღეში 2 - ჯერ, დილა - საღამო, ჭამამდე.
  ხორბალი ასე გააღვივეთ: დააფინეთ მაგიდაზე სველი პირსახოცი, ნახევარზე დაყარეთ 1 სუფრის კოვზი ხორბლის მარცვალი, მეორე ნახევარი კი ზემოდან გადააფარეთ, დადეთ სითბოში და დროდადრო დაასველეთ. 2 - 3 დღის შემდეგ ხორბალი ამოიყრის. როცა ღივი 2 - 3მმ სიმაღლისა და ( მეტი არ შეიძლება) გახდება, რძეში ჩაყარეთ.
  
  
• დაასხით წყლის იელს ვაშლის ძმარი ( 1 :3) და ერთი კვირით სიბნელეში დადგით. შემდეგ ამ ნაყენით დღეში 3 - ჯერ დაიზილეთ თითები.
  
  
• ნახევარლიტრიან მინის ბოთლში მესამედზე ჩაასხით დაჭყლეტილი ნიორი და პირამდე აავსეთ სპირტით, ორი კვირით დააყენეთ სიბნელეში ( ბოთლი დროდადრო შეანჯღრიეთ ), შემდეგ გაფილტრეთ. 1 თვის განმავლობაში, დღეში 3 - ჯერ ჭამამდე 1 საათით ადრე, მიიღეთ 1 ჩაის კოვზ წყალში განზავებული 5 წვეთი ნაყენი.
  
  
• მაისში ტყეში მოძებნეთ ჭიანჭველების ბუდე და ხელი, რომელიც გიბუჟდებათ, შიგ ჩაყავით, 20 წუთს გააჩერეთ. შემდეგ დაიზილეთ და შალის ნაჭრით შეიხვიეთ. დაბუჟება 7 - 10 დღეში გაგივლით.
  
  
• 1 ლ წყალს დაასხით 50 გრ ნიშადურისა და 10 გრ ქაფურის სპირტი, კარგად ამოურიეთ და ამ ნაყენით ყოველ საღამოს ძილის წინ, დაიზილეთ ხელი.
  
  
• 0,5 ჭიქა შაქარს დაასხით 0,5 ჭიქა მზესუმზირას ზეთი, კარგად აურიეთ და ამ ნარევით ხელი დაიზილეთ, შემდეგ კი გაიკეთეთ ხელის 15 - წუთიანი თბილი მარილიანი აბაზანა ( 50 - 60 გრ მარილი 1 ლ წყალზე ).
  

გახსოვდეთ: ხალხური რეცეპტები კარგია როგორც დამატებითი საშუალება, ძირითად მკურნალობას ის ვერ შეცვლის, ამიტომ ექიმის მიერ გამოწერილ წამლებზე უარს ნუ იტყვით.